ISAÍAS 8:21 - Dios Rimashcata Quillcashcami

²¹ Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

ISAÍAS 8:21 Referans Kwoze

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

PROVERBIOS 19:3

Yuyai illac runaca paipac causaipimi pandarin. Chai quipaca paipac shungupimi Mandac Diosta piñan.

JEREMÍAS 52:6

Chai huata chuscu quilla, iscun punzhapimi Jerusalenpica yalli yarcai tiyarca. Chaimantami chai llactapi causaccunaca micuna illac carca.

JEREMÍAS 14:18

Pambaman llucshishpaca, jatun macanacuipi huañuchishcacunata, llactaman yaicushpaca, yarcaihuan ungushcacunatami ricuni. Diosmanta huillaccunapish, curacunapish paicuna mana ricsishca llactapimi puricurca” ningui» nirca.

JOB 2:9

Chashna cacpimi, paipac huarmica: —¿Cunancamanchu Diosta cazushpa catingui? ¡Diosta mana alli nishpa rimashpa huañui!— nirca.

JOB 2:5

Ashtahuanpish cunanca cambac maquihuan paipac tullupipish, aichapipish ungüita churai. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 1:11

Ashtahuanpish cambac maquihuan tuparishpa, pai ima charishcacunata quichui. Shina ruhuacpica, cantaca cambac ñaupallapitacmi mana alli nishpa rimanga— nirca.

2 REYES 25:3

Chai huata callari chuscu quilla iscun punzha tucucpimi, Jerusalenpi causaccunaca imata mana micui pudishpa yallita yarcaihuan carca.

ÉXODO 22:28

Cancunapac llactapi mandaccunatapish, jueztapish ama llaquichinguichu.

2 REYES 6:33

Eliseo paicunahuan chashna parlacucpimi, Eliseopacman huillac runa chayashpaca: “¡Mana llullashpami nini! Cai llaquicunaca Mandac Diosmantami shamun. Shina cashpaca, ¿imatatac Mandac Diosmantaca shuyashayari?” nirca.

LEVÍTICO 24:11

Chai Israel huarmipac cari huahuami Diospac shutita rimashpa nirca. Chaimantami Moisespacman aparca. Paipac mamaca Dan aillumanta Dibripac ushi Selomitmi carca.

1 SAMUEL 8:18

Cancunallatac acllashca jatun mandac llaquichicuc punzhacunapi caparishpa mañacpipish, Mandac Diosca mana uyangachu— nirca.

JOB 18:12

Yarcaihuanmi paipac fuerzata tucuchinga. Paipac ladollapitacmi llaquicunaca allichishca tiyacun.

ISAÍAS 9:21

Manasés ailluca Efraín ailluta, cutin Efraín ailluca Manasés aillutami tucuchinga. Shinallatac ishcai tucushpami Judá aillutaca tucuchingapac jataringa. Chashna llaquichishpapish Mandac Dios nina japiric shina piñarishcataca mana pasachishcachu. Ashtahuanpish llaquichingaracmi.

ISAÍAS 14:30

Huacchacunapac punta huahuacunaca micunata charingami. Imata mana charic huacchacunaca samaringami. Ashtahuanpish cambac huahua huahuacunataca yarcaihuanmi huañuchisha. Maijan saquirishcacunatapish tucuitami tucuchisha.

ISAÍAS 51:19

Cai ishcai llaquicunami cantaca japirca. Cambac llactaca llaquinayaita tucuchishcami carca. Yarcaipish, jatun macanacuipishmi llaquichirca. ¿Pitac cantaca llaquingayari? ¿Pitac cantaca cushichingayari?

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.