ISAÍAS 8:18 - Dios Rimashcata Quillcashcami

¹⁸ Riquichic, Sión urcupi causac tucuita Mandac Diosmantami ñucapish, pai ñucaman cushca ñuca churicunapish israelcuna ima tucunata ricuchicpish canchic.

ISAÍAS 8:18 Referans Kwoze

SAN LUCAS 2:34

Simeonca paicunata Dios bendiciachun nishca quipa, Mariataca: —Riqui, cai huahuataca achcacuna quishpirichun, cutin maijancunaca chingarichunmi Diosca Israelpi churashca. Pai Diospac munaita ricuchicpimi, yallita piñanga.

ZACARÍAS 8:3

Ñucaca Sionman cutimushpami, Jerusalén chaupipi causasha. Jerusalenca cashcata nic llacta nishcami canga. Tucuita Mandac Dios ñucapaclla Sión urcuca ñucapaclla chicanyachishca urcumi canga.

SALMOS 71:7

Ñucata ricushpaca tucuimi mancharirca. Shina cacpipish, canca ñuca miticuna sinchi rumi shinami cangui.

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

SALMOS 22:30

Quipa huahua huahuacunapish Mandac Diostami servingacuna. Mandac Dios ruhuashcataca quipa huahuacunamanpish huillangacunami.

SALMOS 9:11

Sionpi causac Mandac Diostaca cantaichicyari. Pai ruhuashcacunata shuccunamanpish huillaichicyari.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 7:16

Chai huahua ima alli cacta, mana alli cacta manarac yachacpimi, can manchana ishcai jatun mandaccunapac llactaca shitashca saquiringa.

ISAÍAS 14:32

Llacta huillaccuna tapucpica, ¿imatatac nishun? Chaica: Mandac Diosmi Sión urcutaca churarca. Chaipimi llaquilla causac pai acllashcacunaca miticunga ninami canga» nirca.

1 CRÓNICAS 23:25

Davidca: «Israelcunata Mandac Diosmi pai acllashca israelcunamanca sumac causaita cushpa samachishca. Paica huiñaitami cai Jerusalenpi causanga.

HEBREOS 10:33

Maijancunaca tucuipac burlashca, rimashcacunami carcanguichic. Maijancunaca chai llaquichishcacunahuan tandanacushpami, paicuna shina llaquita aparcanguichic.

ISAÍAS 7:3

Chaimantami Mandac Diosca Isaiastaca: «Cunanca canpish, cambac churi Sear-jasubpish jahua tanqueman shamuc yacu patapi Acaz-huan tupagrichic. Chai tanqueca tacshaccunapac allpaman rina ñan ladopimi can.

EZEQUIEL 14:8

Chai runata chashna llaquichishpami tucuipac yuyarina cachun, shuc señalta ruhuasha. Chashnami ñuca acllashcapuramanta anchuchisha. Shina ruhuacpimi, ñucataca Mandac Dios cashcata yachanguichic.

ISAÍAS 8:3

Quipami Dios ima nishcata huillac ñuca huarmipi chayarircani. Paica huicsayuc tucushpami shuc cari huahuata charirca. Shina charicpimi, Mandac Diosca: «Cai huahuataca Maher-salal-has-bazta shutichi.

GÉNESIS 33:5

Esaú huichailla huarmicunata, huahuacunata ricushpaca: —¿Paicunaca picunatac?— nirca. Shina nicpimi Jacoboca: —Paicunaca canta servic Jacoboman Dios cushca huahuacunami— nirca.

DEUTERONOMIO 28:46

Shina llaquichicpimi cancunapish, cancunapac huahua huahuacunapish tucui causaipi mancharina, yuyarina canguichic.

ISAÍAS 20:3

Chai quipami, Mandac Diosca: «Ñucata servic Isaiasca quimsa huatatami churana illac, lluchu chaquilla purirca. Shina puricushpami, Egipto llactapi, Etiopía llactapi causaccuna llaqui tucunata ricuchirca.

JEREMÍAS 44:29

Mandac Dios ñuca cancunata llaquichishami nishcata, pactachic cashcata yachachunmi, cancunataca cai llactallapitac llaquichigrini. Cai ruhuashcaca shuc señalmi canga.

EZEQUIEL 4:3

Shinallatac shuc fierro planchata japishpa, pirca shinata chai Jerusalenhuan, canhuan chicanyachic jatun pirca shinata ruhuai. Chai quipaca, chai pueblota can llaquichingapac chimbapurashpa chapacuc shinata ruhuangui. Chai fierroca can ama ricuchun jarcac shinami canga. Chaimi israelcunamanca señal canga.

EZEQUIEL 12:6

Paicuna ricucucpi, quipita apashpa amsayanata llucshingui. Llactata mana ricungapacca ñahuita taparingui. Cantaca israelcunapac jatun llaqui shamuna cashcata ricuchichunmi churarcani» nirca.

SALMOS 9:12

Diosca llaquilla caccunatami yuyarirca, paicuna huacashcataca mana cungarinchu Huañuchiccunata llaquichinmi.

SAN LUCAS 2:18

Michiccuna parlacpica, tucui uyaccunami mancharishca saquirirca.