ISAÍAS 8:17 - Dios Rimashcata Quillcashcami

¹⁷ Mandac Diosca Jacobopac huahua huahuapuramanta ñahuita pacashcami. Ñucaca paitami shuyashpa, yuyarishpa causasha.

ISAÍAS 8:17 Referans Kwoze

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

ISAÍAS 25:9

Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

SALMOS 33:20

Ñucanchic almaca Mandac Diostami shuyan. Paica ñucanchicta ayudac, ñucanchicta jarcac escudomi.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

HEBREOS 9:28

Apunchic Jesusca achca gentecunapac juchacunata pichangapacmi, shuc cutinlla pai quiquinllatac huañurca. Quipataca ña mana juchacunata anchuchingapacchu shamunga, ashtahuanpish paita shuyacuccunata quishpichingapacmi shamunga.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

1 TESALONICENSES 1:10

Shinallatac huañushcacunapuramanta Dios causachishca quishpichic Jesucristo jahua pachamanta shamunata shuyacushcatapish, Dios piñarishpa llaquichimanta pai quishpichic cashcatapish parlancunami.

MIQUEAS 7:7

Ashtahuanpish ñucaca Mandac Diospac maquipimi casha. Ñucata quishpichic Diostami shuyasha. ¡Ñucata Mandac Diosca ñuca mañashcataca uyangami!

MIQUEAS 3:4

Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

OSEAS 12:6

Cancunaca Mandac Diospacman cutirishpa llaquiccunapish, cashcata ruhuaccunapish caichic. Tucui causaipi Mandac Diosllata yuyarishpa causaichic.

DEUTERONOMIO 32:20

Chaimantami: “Paicuna ima tucucta ricungapac, paicunata mana tigra ricushachu. Paicunaca huahua huahua millaita ruhuaccunami.

2 TESALONICENSES 3:5

Dios cuyac shina cancunapish cuyac cachun, shinallatac Cristo shina cuyac shunguhuan llaquita apac cachunmi, Apunchic Jesusmanca mañanchic.

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

SALMOS 39:7

Jatun Dioslla, cunanca ¿imatatac shuyashayari? Ñuca shuyanaca canllami cangui.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

SALMOS 130:5

Ñucaca tucui almahuanmi Mandac Diosta shuyacuni. Pai rimashca pactachunmi shuyacuni.

GÉNESIS 49:18

¡Mandac Dioslla, can quishpichichunmi shuyacuni!

SAN LUCAS 2:38

Chai huarmi, chai horasllatac shamushpami, chai huahuamanta Jerusalén llactata Quishpichicta shuyaccunaman parlai callarirca.

ISAÍAS 64:4

Canta yuyarishpa shuyaccunaman ima ruhuashcataca jaicapi pipish mana uyashcachu, mana ricushcachu. Can shina shuctac Dios tiyashcataca pipish mana ricushcachu.

ISAÍAS 33:2

Mandac Dioslla, ñucanchicta llaquiyari. Canllatami shuyacunchic. Tutamanta cambac rigrahuan ayudaiyari. Ñucanchic jatun llaquipi cacpipish quishpichiyari.

SALMOS 40:1

Mandac Dios ayudangacamanmi shuyacurcanilla. Jahua pachamanta cumurishpami ñuca caparishpa mañashcata uyarca.

SALMOS 37:34

Mandac Diosta shuyashpa pai mandashcata cazui. Paimi llactata cungapac jatunyachishpa charinga. Juchata ruhuac runacunata tucuchishca quipami chaitaca ricungui.

SAN LUCAS 24:27

Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.

HEBREOS 2:13

Shinallatac: “Paita crishpami shuyasha” ninmi. Cutinllatac: “Caipica Dios cushca huahuacunahuanmi cani” ninmi.

JOB 13:24

¿Ima nishpatac cambac ñahuita pacashpa canta piñac runata shina ricunguiyari?

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 45:15

Israelcunapac quishpichic Mandac Dioslla, canca mana ricuric Diosmi cangui” ningacuna.

JEREMÍAS 33:5

“Caldeocunami cai llactapi causaccunata tucui huañuchishpa tucuchingapac shamurca. Paicunallatac mana alli ruhuashpa causacushcamantami yallita piñarishpa, cai llactapi causaccunataca ñuca ñahuita pacashpa mana ricurcani.

JOB 14:14

¿Shuc runa huañushpaca causaringachu? Tucui ñuca causai punzhacunami quishpirina chayamunata shuyacushalla.

JOB 35:14

Can Paita mana cazunichu nicucpipish, ¡can imata ruhuashcacunaca paipac ñaupapimi! ¡Paitaca shuyailla!

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.