ISAÍAS 7:6 - Dios Rimashcata Quillcashcami

⁶ ‘Judá llactapi causaccunahuan macanacungapac rishpa manchachishunchic. Chai llactata japishpaca, ñucanchicpura chaupinacushunchic. Chai llactata jatun mandac cachunca, Tabeelpac churita churashunchic’ nincuna” ningui.

ISAÍAS 7:6 Referans Kwoze

ISAÍAS 7:1

Uziaspac churi, Jotampac churi, Acaz mandacui punzhacunapimi Remaliaspac churi jatun mandac Pekaca Israel llactata mandacurca. Paimi Siria llactata jatun mandac Rezinhuan tandanacushpa, Jerusalenpi causaccunahuan macanacungapac huichai rirca. Chashna rishpapish Jerusalentaca mana japi pudircachu.

ISAÍAS 7:5

Siria llacta runacunahuan, Efraín aillucunahuan, Remaliaspac churicunahuan tandanacuccunaca canta llaquichingapacmi millaita yuyarishpa:

ISAÍAS 7:7

Ashtahuanpish Mandac Diosca: “Mana chashna tucungachu.

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

2 REYES 11:2

Jatun mandac Jorampac ushi Ocoziaspac pani Josabaca Ocoziaspac churi Joasta pacalla apashpami pacarca. Joasca jatun mandaccunapac churicunapuramantami carca. Atalía ama ricuchunmi huiñachic mamandi sueñuna ucupi pacarca. Chashnami paitaca mana huañuchirca.

2 CRÓNICAS 13:8

Cunanca, cancuna achca cashcamanta, cancunapac dioscuna cachun Jeroboam ruhuachishca curi becita charishpami, Davidpac huahua huahuacuna mandachun Mandac Dios cushcataca mana cazushun ninguichic.

2 CRÓNICAS 21:7

Ashtahuanpish Mandac Diosca Davidhuan ari nishcamantami Davidpac huahua huahua mandaccunataca mana chingachinata munarca. Paica Davidtapish, paipac huahua huahuacunatapish rimashpaca, lámpara rupacuc shina cambac huahua huahuacuna mandachunmi mandanataca huiñaita cancunaman cusha nishcami carca.

2 CRÓNICAS 28:5

Chaimantami paita Mandac Diosca siriocunata jatun mandacpac maquipi churacpi, chai siriocuna atishpa, achca gentecunata Damasco puebloman prezu aparca. Shinallatac Israel llactata jatun mandacpac maquipipish churacpimi, mishashpa achcata huañuchirca.

SALMOS 21:11

Canta llaquichingapac cambac contra jatarishpapish, urmachingapac yuyarishpapish mana imata ruhuai pudingachu.

SALMOS 83:3

Can acllashcacunata llaquichingapacmi pacalla yuyarinacuncuna. Cambac maquipi causaccunata tucuchingapacmi huashalla parlanacuncuna.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

ISAÍAS 8:6

«Cai gentecunaca casilla callpacuc Siloé yacuta yangapi churashpami Rezinhuan, Remaliaspac churihuan cushicurca.