ISAÍAS 7:3 - Dios Rimashcata Quillcashcami

³ Chaimantami Mandac Diosca Isaiastaca: «Cunanca canpish, cambac churi Sear-jasubpish jahua tanqueman shamuc yacu patapi Acaz-huan tupagrichic. Chai tanqueca tacshaccunapac allpaman rina ñan ladopimi can.

ISAÍAS 7:3 Referans Kwoze

ISAÍAS 36:2

Asiria llactata jatun mandacmi Laquis llactamanta paipac quipa mandacta achca soldadocunahuan Jerusalenta jatun mandac Ezequias-huan macanacuchun cacharca. Chashna cachacpimi, jahua ladoman tiyac tanqueman shamuc yacu ladopi carpacunata shayachishpa tiyarirca. Chaica tacshaccunapac allpaman rina ñanpimi carca.

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

JEREMÍAS 22:1

Mandac Diosca: «Judá llactata jatun mandacpac huasiman rishpa, caita huillai.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

ISAÍAS 10:21

Jacobopac huahua huahuapuramanta saquirishcacunaca jatun poderyuc Diospacmanmi cutiringa.

2 REYES 20:20

Ezequiaspac shuctac ruhuashcacunapish, sinchita mandashcapish, yacu tanqueta ima shina ruhuashcapish, pueblo ucuman yacuta apashcapish, Judá llactata jatun mandaccuna imata ruhuashcacunata quillcashcapimi tiyacun.

ÉXODO 7:15

Tutamanta Faraón yacuman ricpi, culebra tucushca cambac varata apashpa, Nilo yacu patapi tupagri.

NEHEMÍAS 3:16

Paipac ladopica Azbucpac churi Nehemiasmi allichirca. Paica Bet-sur chaupi llactatami mandacurca. Paimi Davidtapish, paipac familiacunatapish enterrashca jutcu tupanacuicaman, ruhuashcalla junducaman, sinchi runacunapac huasi ladocaman allichirca.

2 REYES 16:1

Remaliaspac churi Peka chunga canchis huatata Israel llactata mandacucpimi, Jotampac churi Acazca Judá llactata mandai callarirca.

ISAÍAS 22:10

Muyundi jatun pircataca ashtahuan sinchita shayachingapacmi Jerusalén huasicunatapish yupashpa urmachircanguichic.

ISAÍAS 22:11

Mauca tanquemanta yacuta japingapacmi ishcai jatun pirca chaupipi tanqueta allichircanguichic. Ashtahuanpish chai tanqueta ruhuac Diostaca mana cazurcanguichicchu. Chaita utcallapitac ruhuashcata mana yuyarircanguichicchu.