ISAÍAS 7:2 - Dios Rimashcata Quillcashcami

² Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

ISAÍAS 7:2 Referans Kwoze

ISAÍAS 8:12

«Ama cancunapish cai gentecuna shina: “Ñucanchicta tucuchingapacmi pacalla yuyaricuncuna” ninguichicchu. Ama paicuna manchashcata manchaichicchu.

ISAÍAS 7:13

Shina nicpimi Isaiasca: —Davidpac huahuacuna uyaichic. ¿Cancunaca runata piñachina ashalla cacpichu, ñuca Diostapish piñachicunguichic?

ISAÍAS 9:9

Chaitaca Efrainpac huahua huahuacunapish, Samaria llactapi causaccunapish, tucui gentecunapish yachanmi. Paicuna shungupi jatun tucushpaca:

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

SAN MATEO 2:3

Chaita uyashpami, mandac Herodesca yallita mancharirca. Jerusalenpi causaccunapish, chashnallatacmi mancharirca.

OSEAS 12:1

Efraín ailluca huairata micuc shinami causacun. Punzhantami rupac huairata caticun. Asiriocunahuanmi ari nishca. Egiptomanmi aceiteta apancuna. Llullanapish, macanacuipish yallitami mirarin.

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

ISAÍAS 37:35

Ñucallatac cuyarishcamanta, ñucata servic Davidta cuyashcamantami cai llactapi causaccunata ayudashpa quishpichisha” ninimi» nirca.

ISAÍAS 37:27

Chai llactapi causaccunaca cumurichishca cashpami, imatapish mana ruhuai pudincuna. Paicunaca pambacunapi micunalla llullu quihua shina, huasi jahuapi manarac alli huiñashpa, chaquic quihua shinami.

ISAÍAS 22:22

Davidpac huasi llavetapish paimanmi cusha. Pai pascashcataca pi mana huichcangachu. Pai huichcashcataca pi mana pascangachu.

ISAÍAS 11:13

Chaipica Efraín ailluca ña mana envidiangachu. Efraín ailluca Judá aillutaca mana ashtahuan envidiangachu. Judá ailluca Efraín aillutaca mana ashtahuan llaquichingachu.

ISAÍAS 7:17

Mandac Diosca cantapish, can mandacuc llactapi causaccunatapish, cambac huasi ucupuracunatapishmi llaquichinga. Judá aillumanta Efraín aillu chicanyarishca punzhamanta cunancaman mana ricushca llaquicunami shamunga. (Chashnami Asiria llactata jatun mandactaca llaquichinga).

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

SALMOS 11:1

Mandac Diospimi miticuni. Yangallami ñuca almataca: Volashpa ric animalcuna shina urcupi miticugri ninguichic.

2 CRÓNICAS 28:12

Chaita uyashpami, Efraín aillupac soldadocunata mandac Johananpac churi Azariaspish, Mesilemotpac churi Berequiaspish, Salumpac churi Ezequiaspish, Hadlaipac churi Amasapish jatun macanacuimanta shamuccunahuan piñarirca.

2 CRÓNICAS 25:10

Shina nicpimi, Amasiasca Efraín aillumanta shamushca soldadocunata paicunapac huasicunaman cuti richun chicanyachirca. Chaimantami paicunaca Judá llactapi causaccunahuan yallita piñarishpa, paicunapac huasicunamanpish piña piña cutircacuna.

1 REYES 13:2

Paica, Mandac Dios mandacpimi chai altarta piñarishpaca: «Altar, altar, Mandac Diosca: “Davidpac huahua huahuapuramantami Josías shuti huahua huacharinga. Paimi lomacunapi tiyac altarpipish, cambac jahuapipish inciensota rupachic curacunataca, cambac jahuallapitac huañuchinga. Huañushcacunapac tullucunatapish cambac jahuallapitacmi rupachinga” ninmi» nirca.

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

1 REYES 11:32

Paica shuc aillullatami mandanga. Ñucata servic Davidtapish, Jerusalentapish, llaquishcamantami chaita mandachun saquisha. Chai pueblotaca tucui Israel aillupuramantami acllarcani.

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

ISAÍAS 7:5

Siria llacta runacunahuan, Efraín aillucunahuan, Remaliaspac churicunahuan tandanacuccunaca canta llaquichingapacmi millaita yuyarishpa: