ISAÍAS 7:19 - Dios Rimashcata Quillcashcami

¹⁹ Chashna shamushpami tucui pugru pambacunapipish, shitashca pambacunapipish, jatun rumi ucucunapipish, casha yuracunapipish, tucui yuracunapipish jundanga.

ISAÍAS 7:19 Referans Kwoze

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

JEREMÍAS 16:16

Cunanca tauca challuata japiccunatami israelcunata japimuchun cachagrini. Chai quipaca achca runacunatami tucui urcucunamanta, lomacunamanta quingraicunamanta sacha animalcunata japic shina, israelcunata japichun cachagrini.

MIQUEAS 7:17

Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.

ISAÍAS 2:21

Chashna shitashpami manchana Mandac Dios achicyachicpi, rumi quingraicunapi, jatun rumi ucucunapi satiringa. Cai pachapi causaccunata Dios llaquichishpa chucchuchicpimi, chashnaca tucunga.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

SAN MATEO 7:16

Paicuna ima shina cashcataca, paicunapac ruhuashcata ricushpami ricsinguichic. Casha yuraca mana uvasta pucunchu. Cardos yurapish, higota mana pucunchu.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

ISAÍAS 7:24

Tucui llactacunapi cashacuna, cardos yuracuna huiñashca cacpimi, chaimanca flechacunahuan, arcocunahuan ringacuna.

ISAÍAS 7:25

Azadonhuan tarpuna lomacunapica cashacuna, cardos yuracuna junda cacpimi, manchashpa pipish mana yaicunga. Ashtahuanpish huagracuna, ovejacuna michina pambami canga— nirca.

ISAÍAS 55:13

Zarzapac randica ciprés, cutin chinipac randica, arrayanmi huiñanga. Chaicunami Mandac Dios ñucapac shuti jatun cashcata ricuchinga. Jaicapi mana tucuric huiñai huiñaita ricuchicmi canga» ninmi.

ZACARÍAS 10:8

Ñucami silbashpa, cayashpa tandachisha. Ñucami paicunata quishpichisha. Paicunaca utcapi cashca shinallatacmi yallita achca cangacuna.