ISAÍAS 61:8 - Dios Rimashcata Quillcashcami

⁸ Mandac Diosca: «Ñucaca cashcata ruhuachunmi munani. Shuhuashpa, ñucaman cushpa, tucui rupachiccunataca mana ricunayachinichu. Allita ruhuaccunamanca allitami cusha. Paicunahuanca huiñaipacmi ari ninacusha.

ISAÍAS 61:8 Referans Kwoze

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

JEREMÍAS 9:24

Maijanpish ñucata yuyarishcamanta, ñucata ricsishcamanta allimi cani nichun. Ñucami cai pachapica llaquicpish, alli mandacpish, cashcata ruhuacpish cani. Ñucaca chashna ruhuashpa causachunmi munani» nirca.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

SALMOS 37:28

Mandac Diosca imatapish allita ruhuactaca cuyanmi. Paita caticcunataca mana shitashpa saquingachu. Tucui causaipimi huacaichinga. Ashtahuanpish paita mana manchaccunapac huahuacunataca tucuchingami.

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

PROVERBIOS 8:20

Allita ruhuaccunapac ñanta cashcata ruhuana ñantami pushasha.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

SALMOS 33:5

Mandac Diosca cashcata ruhuanata, allita ruhuanatami munan. Paipac cuyaica cai pachapica jundami.

2 SAMUEL 23:5

Ñuca familiacunaca Diospimi, sinchita cancuna. Ñucaman huiñaipac ari nishpami, tucuita sumacta allichishpa, sinchita ruhuarca. Ñucataca tucuimantami quishpichin, ñuca ima munashcatapish, tucuitami pactachin.

2 TESALONICENSES 3:5

Dios cuyac shina cancunapish cuyac cachun, shinallatac Cristo shina cuyac shunguhuan llaquita apac cachunmi, Apunchic Jesusmanca mañanchic.

ISAÍAS 5:16

Tucuita Mandac Diosca pai allita Mandac cashcamantami jatunyachishca canga. Jucha illac Diosca cashcata ruhuac cashcamantami “Jucha illacmi cangui” nishca canga.

SALMOS 50:5

Paica: «Animalcunata ñucaman cushpa ñucahuan ari ninacushpa ñucapaclla causaccunata tandachichic» nirca.

SALMOS 32:8

Canmi: «Allita entendichishpa yachachishpa can purina ñanta ricuchisha. Ñuca ñahuihuanmi cantaca ricurasha.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

SALMOS 62:10

Ama imata quichuna, shuhuana yuyailla caichicchu. Imata yallita charishpapish ama chai charishcapi shunguta churaichicchu.

SALMOS 105:10

Chaitaca Jacobomanmi mandashpa curca. Israelcunahuanmi huiñaicaman ari nirca.

ISAÍAS 28:17

Ñucami alli ricushpa mandanataca cordelhuan shina medisha. Cashcata ruhuanataca nivelashpami ricusha» ninmi. Cancuna miticuna huasi shina, llullataca rundumi tucuchinga. Cancuna miticuna patacunataca yacumi apanga.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 56:1

Mandac Diosca: «Ñuca quishpichina punzhapish, ñuca cashcata ruhuana punzhapish ñami chayamugrin Chaimanta allita ruhuashpa, cashcata ruhuashpa causaichic» ninmi.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

MALAQUÍAS 1:13

Shinallatac cancunaca: “¡Caita ruhuanataca shaicunchicmi!” nishpami, ñucata yangapi churarcanguichic. Shinallatac lisiado, suchu, ungushca animalcunata ñucaman cungapac apamushpami yallita piñachircanguichic. ¿Chaitaca cancunapac maquimantaca chasquishachu?

EZEQUIEL 16:60

Shina cacpipish, can huambrarac cacpi, canhuan ari nishcataca yuyaricushami. Huiñaitami ari nishcata sinchiyachisha.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.