ISAÍAS 60:11 - Dios Rimashcata Quillcashcami

¹¹ Llacta pungucunaca punzhantami pascashca canga. Tutapish, punzhapish mana huichcashcachu canga. Shuctac llactamanta ima charishcacunata apamuchun, chai llactacunata jatun mandaccunata cambacman pushachunmi chashnaca pascashca canga.

ISAÍAS 60:11 Referans Kwoze

ISAÍAS 60:5

Chaita ricushpami, cambac ñahuica achicyac shina cushicunga. Mama cucha patapi tiyac llactacunapac sumaccunaca cambacmi canga. Shuctac llactapi causaccunapac ima charishcacunatapish canmanmi apamunga. Chaimantami cambac shunguca yallita cushicunga.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

SALMOS 149:8

Paicunata jatun mandaccunataca grillo fierrocunahuan churachishpa prezuichic. Paicunapac alli nishca runacunataca cadenacunahuan huatashpa prezuichic.

NEHEMÍAS 13:19

Samana punzha manarac callari chishimanta, samana punzha tucuringacamanmi Jerusalén pungucunataca huichcachun mandarcani. Shinallatac samana punzhacunapi pipish ama aparishca yaicuchunmi ñucapac maijan cuidaccunata churarcani.

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

ISAÍAS 26:2

Cashcata ruhuac, Diosta cazuc runacuna yaicuchun llacta pungucunata pascaichic.

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.

ISAÍAS 61:6

Cancunaca Mandac Diospac curacuna, ñucanchic Diosta serviccuna nishcami canguichic. Jatun llactacunapi causaccuna ima charishcacunatami micunguichic. Paicuna ima sumac charishcacunahuanmi alli nishca canguichic.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.