ISAÍAS 59:6 - Dios Rimashcata Quillcashcami

⁶ Paicuna ahuashca telaca churaringapacpish mana valinchu. Paicuna imata ruhuashcahuanca mana tapari pudingachu. Imata ruhuashpapish mana allillatami ruhuan. Paicunapac maquicunaca imatapish llaquillatami ruhuan.

ISAÍAS 59:6 Referans Kwoze

JEREMÍAS 6:7

Yacu tucyacuc shinami, cai llactapica millaita ruhuana yuyaica tiyan. Shuctac llaquichinallata, millaita ruhuanallatami parlanacun. Punzhantami ñuca ñaupapica ungushcacunapish, chugrichishcacunapish ricurin.

ISAÍAS 57:12

Ñucami can cashcata ruhuashcatapish, shuctac ruhuashcacunatapish tucui ricuchigrini. Chai ruhuashcacunaca imapacpish mana valingachu.

SOFONÍAS 1:9

Chai punzhallatacmi pungu jahuata saltashpa pasaccunatapish, paicunapac amocunapac huasicunapi shuhuashpa jundachiccunatapish, umaccunatapish llaquichisha» ninmi.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.

MIQUEAS 2:8

Cancunaca ñuca acllashca gentecunatami piñai callarishcanguichic. Macanacuimanta cutishpa pasacuc soldadocunamantami jahualla churanata quichurcanguichic.

AMÓS 6:3

Cancunaca “Llaqui punzhaca mana shamungachu” yuyarircanguichicmi. Shina cashpapish, llaqui punzhamanmi cuchuyacunguichic.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

EZEQUIEL 7:23

Caipi causaccunaca llaquichina yuyai jundami, cai llactapi causaccunaca huañuchina yuyaillami. Chaimanta canca fierro cadenata ruhuangui.

EZEQUIEL 7:11

Millaita ruhuanaca yuracuna huiñac shinami mirashca. Paicunaca achca cashpapish, shucllapish mana saquirishpami tucui tucuringa. Ima charishcapish tucuimi chingaringa.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

ISAÍAS 58:4

Riquichic, cancunaca caishuc chaishuc piñanacungapacllami ayunanguichic. Huactashpa chugrichingapacllami ayunanguichic. Cancuna mañashca jahua pachapi uyarichun nishpaca ama cunan shina, ayunanguichicchu.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

SALMOS 58:2

Ashtahuanpish cancunapac shungupica millaita ruhuanallatami yuyacunguichic. Cancunapac maquihuan millaita ruhuashcaca cai allpapimi jundashca.

GÉNESIS 6:11

Cai pachapi causaccunaca Diospac ñaupapica yalli mana alli runacunallami carca. Cai pachapica llaquichinacushpallami causarca.

JOB 16:17

Chashnami ñuca maquihuan, ima mana allita ruhuashca cashpapish, alli shunguhuan paita mañac cashpapish, cashna llaquihuan causacuni.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

MALAQUÍAS 2:16

Quiquin huarmita shitac runatapish, mana allita ruhuashpa paipac churanata mapayachic runatapish piñanimi. Cancunapac yuyaita cuidarichic, ama cancunapac huarmita shitaichicchu. Chaitaca Mandac Dios ñucami nini.

SALMOS 55:11

Paicunapac chaupipica millaita ruhuanallami tiyan. Plaza pambacunapica llullashpa umanaca mana illanchu.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

SOFONÍAS 3:1

¡Aij, Jerusalenlla, shuccunata llaquichiccuna, mana cazuccuna, juchata ruhuashpa mapayashcacunami!