ISAÍAS 59:5 - Dios Rimashcata Quillcashcami

⁵ Paicunaca culebrapac rurucunata ucllac shina, araña telata ahuac shinami causan. Maijanpish chai rurucunata micushpaca huañungami. Chai rurucunata tucyachicpica, culebracunami llucshinga.

ISAÍAS 59:5 Referans Kwoze

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

SAN MATEO 12:34

Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman.

ISAÍAS 14:29

«Tucui Filistea llactapi causaccuna llaquichic varata paquishcamantaca ama cushicuichicchu. Culebrapac huahua huahuacunamantaca shuc millai culebrami llucshinga. Chai culebramantaca volac culebrami llucshinga.

PROVERBIOS 23:32

Ashtahuanpish chai quipaca culebra shinami caninga. Millai culebra canishca shinami venenanga.

JOB 8:14

Paicuna imata shuyacushcapish pitiric shinami chingarin. Paicuna shunguta churashcapish araña ahuashca shinallami.

ISAÍAS 34:15

Pucupish cuzhata ruhuashpami, huahuacunata llucchinga. Chai huahuacunataca alas ucupimi charinga. Chaillapitacmi condorcunaca huarmi condorcunahuan tandaringa.