ISAÍAS 59:13 - Dios Rimashcata Quillcashcami

¹³ Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

ISAÍAS 59:13 Referans Kwoze

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

HEBREOS 3:12

Cuyashca criccuna, cancunapurapi millai yuyaihuan mana crisha nishpa, causac Diosmanta caruyaccuna shucllapish ama tiyachun.

SANTIAGO 1:15

Chai shina mana alli munaicunamantami, juchaca chichushca shina tucushpa huacharin. Chai juchata ruhuacpica huañuimanmi apan.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

SAN MATEO 10:33

Maijanpish gentecunapac ‘mana ricsinichu’ nicpica, ñucapish jahua pacha ñuca Taitapac ñaupapica: ‘Mana ricsinichu’ nishami.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

OSEAS 7:13

¡Ñucamanta anchuriccunalla, imachari tucunga! ¡Ñucata mana cazushcamantaca yalli llaquimi japinga! Ñucaca paicunata quishpichimanmi, ashtahuanpish paicunaca ñucata llaquichishpami llullan.

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

OSEAS 1:2

Mandac Dios Oseasman huillai callarishpaca: «Israel llactapi causaccunaca huainayac huarmi shinami ñucata saquishcacuna. Chaimanta huainayac huarmihuan cazarashpa, chai huarmipi huahuacunata charigri» nirca.

EZEQUIEL 18:25

Ashtahuanpish cancunaca: “Mandac Diosca mana cashcata ruhuacchu” ninguichicmi. Israelcunalla, ñuca ruhuashcacunaca, ¿manachu cashcata ruhuashca? Ashtahuanpish cancunami mana allita ruhuanguichic.

EZEQUIEL 6:9

Cancunapuramanta mana huañushpa saquiriccunaca shuctac llactacunapi prezu causacushpami, paicunapac shungupi huainayac shina, ruhuashcalla dioscunata paicunapac shungupi munashpa, ñucamanta anchuringa. Chaimantami ñuca ima shina llaquichishcata yuyaringa. Paicuna millana juchacunata ruhuashcata yuyarishpaca, yallita pingangami.

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

JEREMÍAS 5:23

Ashtahuanpish cai gentecunaca mana cazuc millai shungucuna cashpami, ñucamanta caruyashpa maitapish rincuna.

JEREMÍAS 3:20

Israel-lla, canca shuc huarmi cusata mana cazuc shinami mana cazushpa, ñucataca shitarcangui. Chaitaca Mandac Dios ñucami nini.

JEREMÍAS 3:10

Tucui chaicunata ruhuashca jahuapish Israelpac ñaña mana cazuc Judaca mana ñucapacman cutircachu. Ashtahuanpish jahua shungullami cutic tucurca. Chaitaca Mandac Dios ñucami nini» nirca.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

ISAÍAS 32:6

Misa runaca misa canamantami parlan. Paipac shungupica millaita ruhuanallatami yuyaricun. Mandac Diostapish mana cazushpami burlan. Yarcaihuan caccunatapish chushac maquitami saquin. Yacunayaihuan caccunamanpish yacuta mana cunchu.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

ISAÍAS 5:7

Tucuita Mandac Diospac uvas chagraca israelcunami. Pai tarpushca sumac yuracunaca Judá llactapi causaccunami. Mandac Diosca allita ricushpa mandachunmi munarca. Ashtahuanpish yanga gentecunami tucushca. Cashcata ruhuachunmi munarca. Ashtahuanpish yallita caparinacuillami tiyan.

PROVERBIOS 30:9

Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

SALMOS 78:36

Shina cashpapish shimillahuan alli nic tucushpami, paicunapac calluhuanca llullarcacuna.

SALMOS 18:21

Ñuca Mandac Dios mandashca shinami paimanta mana caruyashpa causarcani. Ñuca Diosmantaca mana caruyarcanichu.

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.

JOB 31:28

llaquichishcami caiman carcani. Chaicunata ruhuashca cashpaca, Mandac Diostami cungariman carcani.

ISAÍAS 10:1

¡Aij, mana alli mandashcacunata churaccunalla! ¡Shuccunata llaquichingapac mandashcata churaccunalla!

ISAÍAS 30:12

Chaimantami israelcunapac jucha illac Diosca: «Cancunaca ñuca rimashcata mana cazushpami, yalli mana allita ruhuashpa, pitapish yallita llaquichinallata yuyarishpa causacunguichic.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

ISAÍAS 58:9

Shinallatac cancuna ñucata mañacpica, uyashami. Cancuna caparicpica ñucaca: “¡Caipimi cani!” nishami. Cancuna shuccunamanta yugota anchuchic shina, llaquichinata saquicpi, dedohuan ricuchishpa, juchanchinata saquicpi,

ISAÍAS 58:13

Ñucapaclla chicanyachishca samana punzhata huacaichishpa, chai punzha “jucha illac”, “Mandac Dios ñucata cushichina punzha”, cashcata yuyacpi, chai punzhata “alli nina punzhami” nishpa, chai punzhapi samaricpica,

JEREMÍAS 12:8

Ñuca acllashcacunaca sachapi causac león shinami piñarirca. Ñucata llaquichishpa caparishcamantami, paicunataca millanayachircani.

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

JEREMÍAS 2:16

Menfis, Tafnes llactacunapi causaccunapish umata paquircami.

JEREMÍAS 2:17

¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?

OSEAS 7:1

Israelcunata ñuca jambicpica, Efraín aillupac mana allita ruhuashcapish, Samaria llactapi causaccuna millaita ruhuashcapish ricurinmi. Paicunaca llullaccunami, huasiman yaicushpapish, ñanta pasaccunatapish macashpa shuhuashpami causan.