ISAÍAS 59:11 - Dios Rimashcata Quillcashcami

¹¹ Tucui ñucanchicmi osocuna shina huacacunchic. Palomacuna shina, llaquillata huacacunchic. Cashcata ruhuachun shuyacucpica, pi cashcata ruhuacca mana tiyanchu. Quishpichicca ñucanchicmanta carupimi.

ISAÍAS 59:11 Referans Kwoze

ISAÍAS 38:14

Golondrina shina, grulla animalcuna huacac shinami huacacuni. Paloma shinami llaquirishpa huacacuni. Ñuca ñahuihuanca huichai ricucunillami. Mandac Dioslla, yalli llaquihuanmi cani. Chaimanta ayudaiyari.

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

OSEAS 7:14

Paicunaca camapi caparicushpapish, mana ñucatachu tucui shunguhuan mañarca. Trigota, llullu vinota tandachingapac chugririshpapish, ñucatami piñachirca.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

JEREMÍAS 8:15

Alli causaita shuyacucpica, alli causai punzhaca mana shamunchu. Jambirinata munacucpica, yalli manchaimi japin.

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

ISAÍAS 51:20

Cambac churicunaca linchipi churarishca taruga shinami, tucui ñancunapi huañunalla siricurca. Mandac Dios yallita piñarishpa llaquichicpimi, chashnaca tucurca.

SALMOS 119:155

Canta mana manchaccunaca can mandashcacunataca mana mashcancunachu. Chaimanta paicunaca mana quishpichishcachu canga.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

SALMOS 38:8

Ñucaca yallita irquiyashca tucui aicha polvoshca, shungu nanaihuanmi caparicuni.

SALMOS 55:2

Llaquihuan cashpa mañashcata uyashpa chashquiyari. Yallita llaquihuan cashpami yuyai illac shina cani.

ISAÍAS 59:8

Cushilla causanataca mana yachanchu. Paicunapac causaipica cashcata ruhuanapish mana tiyanchu. Paicuna purina ñancunapish huishtumi. Maijanpish chai ñanta puricca cushi causaitaca mana ricsingachu.

ISAÍAS 59:14

Chashnami allita ruhuanaca huashapi saquirirca. Cutin cashcata ruhuanaca ñucanchicmanta caruyarcami. Cashcata ninaca plazapimi mitcarishpa urmac shina tucurirca. Chaimantami allita ruhuanaca mana yaicui pudirca.

LAMENTACIONES 3:17

Ñuca shunguca cushi causaita mana charinchu. Cushi causaitaca ñami cungarircani.

NAHÚM 2:7

Jatun mandac huarmita prezu aparingami. Paita chashna prezu aparicpimi, paita servic huarmicunaca palomacuna shina huacashpa, yallita llaquirishpa, pechopi huataringa.

SALMOS 119:150

Ñucata piñaccunaca ñami cuchuyamucuncuna. Can mandashcacunamanta anchurishpami puricuncuna.

NAHÚM 2:8

Nínive llactaca yacu cucha jundashca shinami carca. Cunanca tucuimi miticushpa callpan. Paicunataca: “¡Shuyaichic, shuyaichic!” nicpipish, pi mana tigra ricunchu.