ISAÍAS 59:10 - Dios Rimashcata Quillcashcami

¹⁰ Ñahui mana ricuc shinami, maquihuan tantiashpa purinchic. Chaupi punzhapi cashpapish, pura tutapi shinami mitcarinchic. Huañushca shinami, amsa ucupi causanchic.

ISAÍAS 59:10 Referans Kwoze

DEUTERONOMIO 28:29

Cancunaca chaupi punzhami ñahui mana ricuc runa shina tantiashpa puringuichic. Mana alli causanguichicchu. Cancunaca punzhantami llaquichishcalla canguichic. Cancunapacta imata shuhuacucpi, caparicpipish pi mana ayudangachu.

JOB 5:14

Paicunaca punzha pachami purapi shina huactarincuna. Chaupi punzhapimi tutapi shina mitcarishpa purincuna.

LAMENTACIONES 3:6

Ñaupa huatacunapi huañushcacunata shinami pura tutapi causachun saquirca.

1 JUAN 2:11

Ashtahuanpish huauquita maijanpish piñacca amsapimi puricun, shinallatac amsallapitacmi causacun. Chai amsallatac ñahuita mana ricucta ruhuacpimi maiman ricushcatapish mana yachashpa causacun.

SAN JUAN 12:40

«Paicunapac ñahuita huichcarcami. Paicunapac shungutapish sinchiyachircami. Ñahuicunahuan ama ricuchun, paicunapac shungu ama yuyaita japichunmi cashna ruhuarca. Chaimantami ñucapacman mana cutimunga. Paicunataca mana alliyachishachu» nishcami.

SAN JUAN 12:35

Chaimantami Jesusca: —Asha punzhacamanllami Achicyachicca cancunahuan canga. Achicyachic cancunahuan cashcacamanca, achicpi purichic. Amsapi puricca maiman ricushcatapish mana yachanchu.

AMÓS 8:9

Mandac Diosca: «Ñuca llaquichicui punzhapica, intica chaupi punzhami tigranga. Punzha pachami tutayanga.

LAMENTACIONES 4:14

Ñahui mana ricuc shinami, ñancunata purirca. Paicunapac churanapish yahuarpi cahuirishcami carca.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

ISAÍAS 8:15

Paicunapuramanta taucacunami urmashpa huañunga. Maijancunaca mitcarishpa, llaqui tucushpami prezuringa.

PROVERBIOS 4:19

Diosta mana manchaccunapac ñanca pura tuta shina, imapi mitcaricushcatapish mana yachancunachu.

ISAÍAS 8:14

Shina cacpimi, paicunapac huasi shina casha. Shina cashpapish ishcai llacta israelcunapacca mitcarina rumi shina, cutin Jerusalenpi causaccunapacca tuclla shinami casha.

ISAÍAS 28:13

Chaimantami Mandac Diosca chai mandashcallatatac, chai shimicunallatatac, chai yachaicunallatatac, maijan quillcashcacunallatatac cutin cutin yachachinga. Ashataca caimanta, ashataca chaimantami paicuna llaqui tucungacaman, prezuringacaman rimacungalla.

EZEQUIEL 21:15

Shungupi yallita mancharichun, huañuicunapish ashtahuan mirachunmi, chai manchana espadataca tucui paicunapac pungucunapi churarcani. ¡Tucuchingapacmi jagan nicun, huañuchingapacmi allichishca tiyacun!

MIQUEAS 3:6

Chaimantami tutaca ña mana ñuca ima nishcataca uyanga. Shamuc punzha ima tucunatapish mana yachangachu. Chai huillaccunapacca intipish tigrangami, punzhapish tutayangami.