ISAÍAS 57:5 - Dios Rimashcata Quillcashcami

⁵ Cancunaca jatun yuracuna ucupi millana juchacunata ruhuanguichic. Yanga dioscunaman huahuacunata cushpami rupachinguichic. Pambacunapi, jatun rumi ladopimi ruhuashcalla dioscunaman huahuacunata cushpa huañuchinguichic.

ISAÍAS 57:5 Referans Kwoze

EZEQUIEL 16:20

Chaipac jahuapica, ñucaman can cushca churicunatapish, ushicunatapish, chai dioscunaman cushpami, huañuchishpa tucuchircangui. ¿Huainayashca ashalla cacpichu,

ISAÍAS 1:29

Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

JEREMÍAS 7:31

Bet-hinom pambapi tiyac Tofet urcupipish altarcunata ruhuashpami, paicunapac churicunata, ushicunata cushpa rupachirca. Chaitaca mana mandarcanichu, mana yuyarircanipishchu.

JEREMÍAS 3:13

Mandac Dios ñucatami mana cazushcangui. Chai mana allita ruhuashcata yuyarishpa llaquiriyari. Jatun yura ucucunapimi mana ricsishcacunahuan huainayarcangui. Ñuca cayacpica, manatac uyarcanguichu. Chaitaca Mandac Dios ñucami nini.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

2 REYES 23:10

Shinallatac Moloc diosman pipish paicunapac churicunata, ushicunata ama rupachichunmi Hinompac churipac pambapi tiyac Tofet altartapish tucuchishpa, saquirca.

LEVÍTICO 18:21

Ama cambac cari huahuataca Moloc shuti ruhuashcalla diosman cushpa rupachinguichu. Chashna ruhuashpaca, cambac Diostami yangapi churangui. Ñucami Mandac Diosca cani.

APOCALIPSIS 18:3

Tucui llactacunapi causaccunami vinota ubiashpa machac shina, chai pueblota catishpa huacllirishcacuna. Cai pachapi tiyac jatun mandaccunapish paihuanmi huainayarcacuna. Shinallatac chai pueblo yallita chayucyanata munashcamantami, tucui llactacunamanta catushpa randishpa causaccunaca yallita chayucyashcacuna» nirca.

EZEQUIEL 20:31

Cunancamanmi cancunapac churicunata ruhuashcalla dioscunaman rupachishpa, yallita mapayashpa causanguichic. ¿Chai shina cashpachu tapuc shamunguichic? ¡Ñuca shutipimi nini: Cancuna tapushcataca mana cutichishachu!

EZEQUIEL 20:26

Tucui punta churicunata yanga dioscunaman rupachichun saquishpami, chai rupachishcacunatapish, paicunatapish mapayachircani. Ñucaca Mandac Dios cashcata yachachunmi chashna ruhuarcani” ninmi.

EZEQUIEL 6:13

Ruhuashcalla dioscunapac chaupipi, tucui altar muyundipi, lomacunapi, urcucunapi, jatun yura ucucunapi, chai dioscunaman cushpa, rupachina pushtucunapimi paicuna huañushcacunaca siricunga. Shina siricucta ricushpami, ñucataca Mandac Dios cashcata yachanguichic.

JEREMÍAS 51:7

Babilonia llactaca Mandac Diospac maquipica curi copa shinami carca. Chai copa vinohuanmi tucui llactapi causaccunata machachirca. Chaita ubiashpaca tucuimi yuyaita chingachirca.

JEREMÍAS 50:38

Yacucunata chaquichicpimi, yacuca mana tiyanga. Chai llactapi ruhuashca dioscuna yalli tiyashcamantami chashnaca tucunga. Chaipi yalli yanga dioscuna tiyacpimi, chaipi causaccunaca yuyaita chingachinga.

JEREMÍAS 32:35

Paicunapac churicunata, ushicunata Moloc diosman cushpa rupachingapacmi Henonpac pambapi Baal diosman altarcunata ruhuashpa, Judá gentecunataca juchata ruhuachirca. Chaicunata ruhuachichunca mana mandarcanichu, chaita mandana yuyaillapish mana tiyarcachu nini» nirca.

JEREMÍAS 17:2

Cancunapac huahuacunaca jatun yuracuna ladopi tiyac Asera huarmi diosta yuyarina altarta, jatun lomacunapi cancuna churashca altarta,

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

2 CRÓNICAS 28:3

Ben-hinom pugru pambapipish inciensota rupachircami. Paica israelcunapac ñaupamanta llucchishpa cachashca millaita ruhuac gentecuna shinallatacmi, paipac churicunata chai dioscunaman rupachirca.

2 REYES 17:10

Shinallatac tucui lomacunapi, jatun yura ucucunapimi ruhuashcalla dioscunata, Asera huarmi diosman ricchacunata shayachircacuna.

1 REYES 14:23

Shinallatac lomacunapi, pangasapa yura ucucunapi, ruhuashcalla dioscunapac huasicunata, Asera huarmi diosman ricchacunatapish ruhuarcacuna.

DEUTERONOMIO 12:2

Cancuna japigricuc llactapi causaccunaca jatun urcucunapi, lomacunapi, sacha ucucunapimi dioscunata charin. Tucui chaicunataca polvonami canguichic.

NÚMEROS 25:6

Israelpuramanta shuc runaca shuc madianita huarmita pushashpami Moisespish, israelcunapish ricucucpi, paipac huauquicunapacman chayarca. Chai horasca israelcunaca Dios-huan tupana huasi yaicunapimi huacacurca.

ÉXODO 32:6

Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

EZEQUIEL 20:28

Maquita alzashpa, cushami nishca llactaman pushamucpica, chaipi tiyac jatun lomacunata, jatun yuracunata ricushpami, animalcunata cushpa rupachirca. Mishquilla ashnacuc inciensotapish rupachircami, vinotapish cushpa tallircami. Chashnami ñucataca yallita piñachirca.

2 REYES 17:7

Israelcunaca juchata ruhuashpami Egiptomanta llucchimuc paicunata Mandac Diostaca piñachirca. Egipto llactata jatun mandac Faraonpac maquimanta llucchimuc Diosta cungarishpami, shuctac dioscunata mañarcacuna.