ISAÍAS 57:18 - Dios Rimashcata Quillcashcami

¹⁸ Chashna ruhuacuctami ricurcani. Paicunataca ñucallatac allichishpami michic shina pushasha. Paicunatapish, paicunahuan llaquilla causaccunatapish cushichishami.

ISAÍAS 57:18 Referans Kwoze

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

JEREMÍAS 3:22

¡Mana cazuc huahuacunalla, ñucapacman cutimuichicyari! ¡Cancuna cutimucpica, mana cazushpa mana allita ruhuashcataca alliyachishami!” ninmi ningui» nirca. Shina nicpica israelcunaca: «Ñucanchicta Mandac Diosmi cangui. Chaimantami cutimushpa cambac ñaupapi canchic.

JEREMÍAS 31:3

Ñuca utca huatacunapi ricurishpaca: “Cantaca jaicapi mana tucuri cuyaihuanmi cuyani. Chaimantami ashtahuan llaquini.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ECLESIASTÉS 9:4

Tucui causaccunamanca ima shuyanaca tiyanracmi. Huañushca leonpac randica, causac allcumi ashtahuan alli.

SALMOS 51:12

Can ñucata quishpichishcamanta cushicuitaca cutinllatac cuiyari. Cazuna yuyaita cuc Espirituta pushachun cuiyari.

SALMOS 23:2

Llullu quihua pambacunapimi ñucataca samachinga. Casilla tiyacuc yacu cuchupimi michinga.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

SALMOS 94:19

Ñuca caita chaita yuyashpa musparicucpica, canmi ñuca almata cushichic carcangui.

ISAÍAS 19:22

Mandac Diosca Egiptopi causaccunataca chugrichingami. Shina chugrichishpapish paillatacmi alliyachinga. Mandac Diospacman paicuna cutiricpica, llaquishpami alliyachinga.

ISAÍAS 52:12

Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

ISAÍAS 53:5

Paica, ñucanchic Diosta mana cazushcamantami chugrichishca carca. Ñucanchic juchacunamantami yallita llaquita aparca. Ñucanchic cushi causachunca paitami llaquichirca. Ñucanchicca paipac chugrimantami jambirishca canchic.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

ZACARÍAS 1:13

Shina nicpimi, Mandac Diosca ñucahuan parlacuc angeltaca cushichic sumac rimaicunata rimarca.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

JEREMÍAS 30:17

Canta: “Sionca shitashcami siricun. Pipish mana yuyarinchu” nicucpipish, ñucallatac jambita cachashpami, cambac chugritaca alliyachisha. Chaitaca Mandac Dios ñucami nini» ninmi.