ISAÍAS 57:11 - Dios Rimashcata Quillcashcami

¹¹ ¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

ISAÍAS 57:11 Referans Kwoze

PROVERBIOS 29:25

Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

JEREMÍAS 3:21

Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

1 TIMOTEO 4:2

mishqui shimi jayac shungu, llullaccuna, ima nishcata uyashpami crishcatapish saquishpa ña mana catishun ningacuna. Chai gentecunaca shungupi diablo unanchishcamantami ima allita ruhuana yuyaitapish mana charincuna.

2 TESALONICENSES 2:9

Chai millaita ruhuac runaca Satanás ayudacpi imatapish ruhuaclla cashcahuan shamushpami, milagrocunatapish, pi mana ricushcacunatapish ruhuashpa, llullashpa crichinga.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

EZEQUIEL 13:22

Ñuca manapish llaquichishca, cashcata ruhuac runatami llullashpa llaquichircanguichic. Ñucata mana manchac runacuna millaita ruhuanata ama saquichunmi yuyaita cushpa, sinchiyachircanguichic.

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

ISAÍAS 30:9

Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.

ISAÍAS 26:10

Mana allita ruhuac runaca paita llaquicpipish, cashcata ruhuanataca mana yachacungachu. Allita ruhuaccunapac llactapi causashpapish mana allitami ruhuan. Can Mandac Dios jatun cashcataca mana yuyarinchu.

ECLESIASTÉS 8:11

Huañuclla runacunaca paicuna mana allita ruhuashcamanta mana utca llaquichicpica, ashtahuan mana allita ruhuanatami yuyarincuna.

SALMOS 78:36

Shina cashpapish shimillahuan alli nic tucushpami, paicunapac calluhuanca llullarcacuna.

ISAÍAS 42:14

Mandac Diosca: «Ñucaca unai huatacunatami upalla carcani. Mana ricushca shina, mana uyashca shinami carcani. Cunanca, sajuaric huarmi nanaihuan caparic shina caparishpami llaquinayaita huañuchishpa tucuchisha.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 47:7

Canca: “Huiñaitami mandac huarmi casha” yuyarcanguimi. Quipa punzha llaqui tucunataca mana yuyarircanguichu.

JEREMÍAS 38:19

Shina nicpimi, jatun mandac Sedequiasca Jeremiastaca: —Caldeocuna parte tucushca Judá llacta runacunatami manchani. Paicunapac maquipi churacpica, ñucataca burlashpa llaquichingami— nirca.

JEREMÍAS 41:18

Caldeocunata manchashcamantami chaipi causarca. Netaniaspac churi Ismael Ahicampac churi Gedaliasta huañuchishcamantami paicunaca mancharca. Gedaliastaca Babilonia llactata jatun mandacmi chai llactata mandachun churashca carca.

SAN MATEO 25:25

Chaimantami can saquishca cullquitaca allpapi huacaichircani. Caipimi, cambac cullquica” nirca.