ISAÍAS 55:7 - Dios Rimashcata Quillcashcami

⁷ Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

ISAÍAS 55:7 Referans Kwoze

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

JONÁS 3:10

Mandac Diosca paipacman cutirishpa, mana allita ruhuashpa causanata saquishcamantami llaquichisha nicushpapish, llaquirishpa mana llaquichirca.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

2 CRÓNICAS 7:14

Shina cachacpi, ñuca acllashcacuna yallita llaquirishpa ñucata mañacpi, ñucata mashcacpi, mana allita ruhuacushcata saquishpa, ñucapacman cutirimucpica, ñucapish jahua pachamanta uyashami. Paicunapac juchatapish perdonashami, paicunapac allpatapish allichishami.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

EZEQUIEL 33:11

Mandac Dios ñuca shutipimi nini: Ñucata mana manchac runa huañuchunca mana munanichu. Ashtahuanpish pai millaita ruhuanata saquishpa, causaita charichunmi munani. Chaimanta millaita ruhuanata saquishpa tigramuichic. Israelcuna, ¿imamantatac huañugringuichicyari? ninmi.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

SALMOS 66:18

Ñuca shungupi mana allicunata yuyarishca cacpica, Mandac Diosca mana uyanmanchu carca.

HECHOS 26:20

Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

SAN LUCAS 15:24

Ñuca churica, huañushcami carca, causarishcami. Chingarishcami carca, cunanca cutimushcami” nirca. Chashnami yallita cushicui callarirca.

SAN LUCAS 7:47

Chaimantami cashna nini: Paipac achca juchacunata perdonashca cashcamantami, paica ashtahuan cuyan. Ashtahuanpish ashalla juchacunata perdonashcacunaca, ashallatami cuyan— nirca.

MARCOS 7:23

Tucui cai yuyaicunami shungumanta llucshishpa, juchayuctaca ruhuan» nirca.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

MARCOS 7:21

Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

SALMOS 130:7

Israelcunalla, Mandac Diosmi yallita llaquicca, paillami quishpichicca. Chaimanta paillata shuyaichicyari.

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SANTIAGO 1:15

Chai shina mana alli munaicunamantami, juchaca chichushca shina tucushpa huacharin. Chai juchata ruhuacpica huañuimanmi apan.

ISAÍAS 32:7

Llulla runaca ima shina pandachinallatami yuyarishpa purin. Llaquilla caccunata llullashpa pandachingapacmi pacalla yuyarishpa purin. Huacchacuna mandaccunapac ñaupapi cashcata ruhuachun mañacpipish llullashpami atin.

GÉNESIS 6:5

Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

ZACARÍAS 8:17

Ama cancunapac shungupi shuccunata mana allita yuyaichicchu. Ama llullashpa ari nichicchu. Ñucaca tucui chaicunatami piñani» ninmi.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

ISAÍAS 1:19

Ñuca rimashcata cancuna uyashpaca, cai allpapi sumac pucushca granocunatami micunguichic.

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

EZEQUIEL 14:6

Chaimanta canca: “Israelcunata Mandac Diosca: Cancunapac ruhuashcalla dioscunata saquishpa, ñucapacman cutimuichic. Cai tucui millanacunata ruhuashcataca ama ashtahuan ricuichicchu.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 15:4

Ashtahuanpish paicunaca jatun llaquipi cashpami, israelcunata Mandac Diospacman cutirishpa, paita mashcarcacuna. Shina mashcashpami paitaca tarircacuna.

2 CRÓNICAS 30:6

Huillangapac riccunaca jatun mandacpac cartatapish, pai churashca mandaccunapac cartatapish apashpami, jatun mandac mandashca shinallatac tucui Israel llactaman, tucui Judá llactaman rircacuna. Chai quillcapica: «Asiria llactata jatun mandaccunapac maquimanta atishca israelcunalla, Abrahampac, Isaacpac, Jacobopac Mandac Diospacman cutirichic. Shina cutiricpica, paipish cancunapacman shamungami.

2 CRÓNICAS 33:13

Chashna mañacpica, pai mañashcata uyashpami, Mandac Diosca Judá llactata paillatac mandashpa catichun, cutin Jerusalenman cutichimurca. Shina ruhuacpimi, Manasesca Mandac Diosllatac Dios cashcata yachac chayarca.

JOB 22:23

Tucuita ruhuac Diosman cutirishpaca cutinllatacmi sinchiyangui. Cambac huasimantapish millaitaca tucuimi anchuchingui.

SALMOS 130:4

Ashtahuanpish cambac ñaupapi cumurichunmi, ñucanchic juchacunata perdonashcangui.

ISAÍAS 21:12

Shina nicpimi, chapac runaca: «Ñami achicyagrin, achicyashpapish ña tutayangami. Imata tapusha nishpaca, tapuc shamunguilla» nirca.

JEREMÍAS 3:14

Mana cazuc huahuacuna ñucapacman cutimuichicyari. Cancunaca ñucapacmi canguichic. Ñucaca cancunataca cada llactamanta shucta, ishcaitami Sionpi causachun churasha.

LAMENTACIONES 3:40

Ñucanchic ima shina causacushcata allita yuyarishpa, Mandac Diospacman cutirishunchic.