ISAÍAS 55:12 - Dios Rimashcata Quillcashcami

¹² Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 55:12 Referans Kwoze

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

SALMOS 105:43

Chashnami paipac gentecunataca cushicuihuan llucchirca. Pai acllashcacunaca cushicuihuanmi cantashpa llucshirca.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

SALMOS 65:13

Animalcunapish pamba jundami tucun. Pugru pambacunapish tucui chagrallami. Yallita cushicushpami caparishpa cantancuna.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

COLOSENSES 1:11

Dios paipac sumaimana poderhuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish mana piñarishpa,

JEREMÍAS 30:19

Ñucata pagui nishpa cantashcapish, cushicushpa asishcapish uyaringami. Paimantaca achcatami mirachisha. Mana tucuchishachu. Paitaca alli nishami. Paica mana yanga nishcachu canga.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 14:8

Líbano urcu ciprés yuracunapish, cedro yuracunapish yallita cushicushpaca: “Can huañushcamanta pacha, pi ñucanchictaca mana pitingapac huichai shamunchu” ninga.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

SALMOS 47:1

¡Tucui llactapi causaccuna maquita huactaichicyari! ¡Yallita cushicushpa caparishpa Diosta cantaichicyari!

ROMANOS 5:11

Shinallatac Apunchic Jesucristomanta Dios-huan alli tucushcamantapishmi Diosmanta yallita cushicunchic.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

SALMOS 65:12

Shitashca pambacunapipish, sumac quihuacunami huiñan. Lomacunapish cushilla cac shinami tucun.

SALMOS 69:34

Jahua pachapish, mama cuchapish, chaipi tucui tiyaccunapish paita alabaichicyari.

ISAÍAS 52:9

Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

JEREMÍAS 29:11

Ñucaca cancunaman ima ruhuanata yuyaricushcataca yachanimi. Cancuna cushilla shuyashpa causachunca, cancunata llaquichinapac randica, cushi causaitami cusha. Chaitaca Mandac Dios ñucami nini.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.