ISAÍAS 54:9 - Dios Rimashcata Quillcashcami

⁹ Noé causai punzhacunapi “cai pachataca cutinca yacuhuanca mana tucuchishachu” nishpami ari nircani. Chai shinallatacmi “cutin piñarishpa, mana rimarisha” nishpami, ari nircani.

ISAÍAS 54:9 Referans Kwoze

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

EZEQUIEL 39:20

Ñuca miza jahuapica caballocunatapish, caballopi ric sinchi runacunatapish, macanacuc soldadocunatapish huañuchishpami churasha. Chaicunataca mana nictami micunguichic. Chaitaca Mandac Dios ñucami nini.

ISAÍAS 55:11

Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

SALMOS 104:9

Maicaman can churashca pushtumantaca mana pasangachu. Allpatapish mana cutin tapangachu.

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

ISAÍAS 62:8

Mandac Dios jatun poderyuc paipac alli maquita alzashpa ari nishpaca: «Cancunata piñaccuna cancunapac trigota micuchunpish, mana ricsishca runacuna cancuna trabajashca uvas vinota ubiachunpish mana saquishachu.

EZEQUIEL 16:42

Shina ruhuashpami, ñuca yallita piñarishcataca pasachisha. Chaimantami canca ñucapaclla causangui. Chashnami ñuca samarisha.

EZEQUIEL 39:29

Ñucaca jaicapi paicunataca mana saquishachu. Ashtahuanpish paicunapica ñuca Espiritutami churasha nini” ninmi ningui» nirca.

JOB 11:16

Chashna ruhuashpami cambac llaquicunatapish, yacu pasarishca shina mana yuyaringui.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

ISAÍAS 51:22

Pai acllashcacunata cuidac, Mandac Diosca: «Ñuca yallita piñarishca copataca cambac maquimanta anchuchircanimi. Machana vasotaca ñami anchuchircani. Ñuca yallita piñarishca chai copamantaca mana ashtahuan ubianguichu.

JEREMÍAS 31:37

Maijanpish jahua pachata, cai pachata maicaman cashcata medicpica, ñucapish israelcunataca tucui paicuna mana allita ruhuashcamanta mana chasquimanchu. Chaitaca Mandac Dios ñucami nini.