ISAÍAS 54:1 - Dios Rimashcata Quillcashcami

¹ Mandac Diosca: «¡Jaicapi mana sajuaric huarmilla cushicuiyari! Jaicapi sajuarina nanaita mana ricsic huarmilla, cushicuihuan caparishpa cantaiyari. Cusa shitashca huarmimi cusayuc huarmita atishpa, ashtahuan achca huahuacunata charin.

ISAÍAS 54:1 Referans Kwoze

GÁLATAS 4:27

Dios quillcachishcapica: «¡Mana huicsayuc tucuc, mana huahuata charic huarmi cushicui! ¡Sajuarina nanaita mana charic huarmi cushicushpa asiyari! Cusayuc huarmita atishpami, shitashca cac huarmica ashtahuan huahuacunata charinga» ninmi.

ISAÍAS 62:4

Jaicapi mana “Shitashca llacta” ningachu. Llactatapish mana “Llaquinayaita shitashca llacta” ningachu. Ashtahuanpish Dios munashcami cangui. Cambac llactapish Dios-huan cazarashca huarmi nishcami cangui. Mandac Diospac cuyaica canhuanmi canga. Llactaca paihuan cazarashca shinami canga.

1 SAMUEL 2:5

Mana nicta micushpa causaccunaca micunata japingapacmi trabajashpa causancuna. Ashtahuanpish yarcaihuan causaccunaca ña mana yarcachincunachu. Huahuata mana charic huarmipish canchis huahuatami charin. Achca huahuata charic huarmica llaquirishpami causacun.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SALMOS 113:9

Paimi mana huahuata chari pudic huarmitapish achca huahuayucta ruhuan. Huahuacunapac mama cashcamantaca yallitami cushicun. ¡Mandac Diosta alabaichicyari!

SOFONÍAS 3:14

¡Sionpi causaccunalla, cantaichicyari! ¡Israelcunalla, cushicushpa caparichicyari! ¡Jerusalenpi causaccunalla, tucui shunguhuan yallita cushicuichicyari!

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

ISAÍAS 49:20

Chingarishca huahuacunapish cambac ringripi rimashpaca: “Cai llactaca ñucanchic causangapacca yallita quichquimi. Chaimanta llucchingapac shuctac allpacunata cui” ningami.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

CANTARES 8:8

Chuchucunapish manarac huiñashca uchilla ñañatami charinchic. ¿Maijanpish paita cazarasha nicpica, imashi tucushun?

GÉNESIS 21:6

Chaimantami Saraca: «Diosmari cushichishpa, ñucataca asichirca. Maijanpish caita uyashpaca, ñucahuan asingacunami.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 24:14

Chai saquirishcacunami Mandac Dios jatun cacta ricushpa, yallita cushicushpa cantanga. Yacu chaupipi tiyac llactacunapi causaccunapish alli ningacunami.

ISAÍAS 49:19

Cambac llactaca tucuchishca, chingachishca shitashca pamba cacpipish, cunanca achca gentecunami jundanga. Canta tucuchiccunaca carupimi canga.

ISAÍAS 66:7

¡Manarac sajuarina punzha pactacpimi, huahuata sajuarirca! ¡Manarac sajuarina nanai japicpimi, cari huahuata sajuarirca!