ISAÍAS 52:9 - Dios Rimashcata Quillcashcami

⁹ Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

ISAÍAS 52:9 Referans Kwoze

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

SALMOS 98:4

¡Tucui cai pachapi causaccuna Mandac Diosta cushicushpa cantaichicyari! ¡Sinchita caparishpa, maquita huactashpa salmocunata cantaichicyari!

ISAÍAS 61:4

Ñaupa huatacunapi tigrachishca pircacunatami cutinllatac allichinga. Tauca huatacunata tigrashpa, llaquinayaita siricuc huasicunatami cutin allichinga.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 14:7

Cunanca, tucui cai pachapi causaccunami imatapish mana manchashpa, Mandac Diosta alli nishpa, cushilla causan.

GÁLATAS 4:27

Dios quillcachishcapica: «¡Mana huicsayuc tucuc, mana huahuata charic huarmi cushicui! ¡Sajuarina nanaita mana charic huarmi cushicushpa asiyari! Cusayuc huarmita atishpami, shitashca cac huarmica ashtahuan huahuacunata charinga» ninmi.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 40:1

Mandac Diosca: «¡Ñuca acllashcacunata cushichichic, cushichichic!

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

MIQUEAS 4:10

Sionpi causaccunalla, shuc huarmi sajuarina nanaihuan shinami, yallita caparicunguichic. Cancunaca, caimanta llucshi rishpami, campopi causagringuichic. Chai quipaca, Babilonia llactamanmi chayanguichic. Chaipi cacpimi, Mandac Diosca cancunata piñaccunapac maquimanta quishpichinga.

SALMOS 102:22

Shuctac llactapi causaccuna paita servingapac shuc shinalla tandanacucpi, huillachunmi chashnaca tandachirca.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?