ISAÍAS 52:5 - Dios Rimashcata Quillcashcami

⁵ Mandac Diosca: «Caipica, ¿imatatac ricucuni? Ñuca acllashcacunataca yangami prezu apashca. Prezu apaccunaca yallita llaquichishpami charin. Ñuca shutitapish punzhantami mana alli nishpa rimancuna.

ISAÍAS 52:5 Referans Kwoze

ROMANOS 2:24

Dios quillcachishcapica: «Cancunamantami mana israelcunaca Diosta mana alli nishpa rimancuna» ninmi.

SOFONÍAS 1:10

Mandac Diosca: «Chai punzhapica challua Pungumantami mañashpa, caparishca uyaringa. Caishuc pungumantapish llaquinayaita huacashcami uyaringa. Lomacunapipish yallita mancharishpa caparishcami uyaringa.

EZEQUIEL 20:14

Shina cashpapish, ñuca shuti shuctac llactacunapi causaccunapac ama mana alli nishca cachunmi, mana llaquichircani. Paicunataca chai gentecuna ricucucpimi llucchimurcani.

EZEQUIEL 20:9

Shina cashpapish, shuctac llactacunapi causaccunapac ñuca shuti ama mana alli nishca cachunmi, mana llaquichircani. Chai llactacunapac chaupipimi paicunaca causarca. Ñucaca Mandac Dios cashcata ricsichishpami, israelcunataca Egipto llactamanta llucchimurcani.

LAMENTACIONES 2:3

Nina japiric shina piñarishpami, israelcunapac fuerzata chingachirca. Piñaccunapac ñaupapipish mana ayudarcachu. Nina japirishpa, muyundita rupachic shinami, Jacobopac aillucunata tucuchirca.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

ISAÍAS 52:3

Mandac Diosca: «Cancunaca mana cullquimantachu catushca causarcanguichic. Chaimantami ñucapish ima cullquita mana cushpa, cancunataca quishpichigrini» ninmi.

ISAÍAS 51:23

Chai copata canta yallita llaquichiccunapac maquipi churashpaca: “Ñucanchic sarushpa pasangapac cumuri” niccunapac maquipimi churagrini. Shina nicpica, canca ñan allpan shina tucushpa, cambac jahuata pasachunmi saquingui» ninmi.

ISAÍAS 51:20

Cambac churicunaca linchipi churarishca taruga shinami, tucui ñancunapi huañunalla siricurca. Mandac Dios yallita piñarishpa llaquichicpimi, chashnaca tucurca.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 37:28

Can ima shina cactaca tucuitami yachani. Can maiman llucshictapish, cutictapish, can ñucata yallita piñarishcatapish yachanimi.

ISAÍAS 37:6

Isaiasca paicunataca: —Cancunapac amotaca: “Mandac Diosca: Asiria llactata jatun mandac paita serviccuna camishpa ñucata yallita rimashcamantaca ama manchaichu.

ISAÍAS 22:16

“¿Canca caipica imatatac charingui? Mana cashpaca, ¿pitac enterrangapacta lomacunapi, quingraicunapi jutcuta ruhuaccuna shina, enterrana jutcuta caipi ruhuachircangui?

SALMOS 74:18

Mandac Dioslla, canta piñaccuna canta camishcataca amatac cungaringuichu. Imatapish mana entendic gentecunami canta camincuna.

SALMOS 74:10

Dioslla, ¿maicamantac ñucanchicta llaquichiccunaca pingaichicungalla? ¿Canta piñaccunaca huiñaitachu canta camishpa causagrincuna?

SALMOS 44:16

Ñucata piñaccuna tucuchina munaihuan caparishpa, mapa shimicunahuan camishpa llaquichicpimi llaquihuan purini.

SALMOS 44:12

Can acllashcacunataca ashalla cullquipipish, mana caturcanguichu. Paicunamantaca imatapish mana japishcanguichu.

JUECES 18:3

Micaiaspac huasi ladopi cashpami chai runacunaca levita mosotaca rimashcapi ricsircacuna. Chashna ricsishpami paipacman cuchuyashpaca: —¿Pitac cantaca caiman apamurca? ¿Imatatac caipica ruhuacungui? ¿Imatac ruhuangapactac caiman shamurcangui?— nishpa tapurcacuna.

ÉXODO 3:7

Shinallatac Mandac Diosca: —Egiptopi ñuca acllashcacuna llaquita apacucta ricunimi. Paicuna llaquimanta mañashcata uyanimi. Paicuna mai llaquita apashcatapish yachanimi.

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.