ISAÍAS 52:1 - Dios Rimashcata Quillcashcami

¹ ¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 52:1 Referans Kwoze

APOCALIPSIS 21:27

Chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac rina libropi shutita quillcachishcacunallami yaicunga.

ISAÍAS 51:17

¡Jerusalenlla, ricchariyari, ricchariyari, jatariyari! Canca Mandac Dios piñarishca junda copatami paipac maquimanta japishpa tucuringacaman ubiarcangui.

APOCALIPSIS 21:2

Shinallatac jahua pacha Diospac ñaupamanta Diospaclla cac mushuc Jerusalén pueblo, novia cusahuan tupangapac allichirishca shina urai shamucuctami ricurcani.

ZACARÍAS 3:4

Chai angelca paipac ñaupapi shayacuccunata mandashpaca: «Chai mapa churanata llucchichic» nirca. Chai quipami Josuetaca: «Riqui, cambac juchacunata anchuchishpami sumac churanata churachini» nirca.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

ROMANOS 13:14

Chaipac randica, Apunchic Jesusta churanata churaric shina, paihuan millaita mishaichic. Ashtahuanpish ama cai pacha jucha munashcata ruhuaichicchu.

SAN MATEO 4:5

Chaimantaca diabloca, Diospaclla Jerusalén puebloman Jesusta pushashpa, Diosta mañana huasi jahuapi

NAHÚM 1:15

¡Riquichic, sumac causaimanta alli huillaita huillacmi, jahua urcucunata shamucun! ¡Judá llactalla, canca fiestacunata ruhuailla. Can imatapish Diosman cusha nishcataca cuilla. Millaita ruhuaccunaca mana ashtahuan llaquichingachu, chaica ñami tucui chingarirca!

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 26:2

Cashcata ruhuac, Diosta cazuc runacuna yaicuchun llacta pungucunata pascaichic.

ISAÍAS 1:21

Diosta alli cazuc llactalla, ¿ima nishpatac cullquimanta huainayac huarmi shina, tucurcanguiyari? Chaipica tucuimi cashcata ruhuaccuna, imatapish allita ruhuaccuna causarca. ¡Ashtahuanpish cunanca huañuchiccunallami causan!

NEHEMÍAS 11:1

Israelcunata mandaccunaca Jerusalenpimi causarcacuna. Ashtahuanpish caishuc israelcunataca chungamanta shuc, Diospaclla Jerusalenpi causachunmi suerteta ruhuashpa acllarca. Caishuc iscuncunaca shuc pueblocunapimi causagrirca.

ÉXODO 28:40

Aaronmanpish, paipac churicunamanpish tunicata, chumbita shinallatac mitratapish sumac jagan nicucta ruhuangui.

ÉXODO 28:2

Cambac huauqui Aaronman ñucapac chicanyachishca tucuimanta yalli sumac jagan nicuc churanata ruhuangui.

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

APOCALIPSIS 19:8

Pactalla Ovejapac huarmimanca tucuimanta yalli valishca chuyanlla jagan nicuc linotami churachishca» nircacuna. Chai linoca Diospaclla caccuna imapish cashcata ruhuactami ricuchin.

EFESIOS 4:24

Cancuna mushuc churanata churaric shina, Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

SAN LUCAS 15:22

Ashtahuanpish taitaca paipac serviccunataca: “Ashtahuan sumac churanata apamushpa churachichic. Maqui dedopica sortejasta, chaquipica ushutata churachichic.

HAGEO 2:4

Chaimanta Zorobabel-lla, Josadacpac churi curacunata mandac Josuella, sinchicuiyari. Tucui llactapi causaccunapish sinchicushpa, tucui shunguhuan trabajaichicyari. Ñucaca cancunahuanmi cani. Chaitaca Mandac Dios ñucami nini.

EZEQUIEL 44:9

Chaimantami Mandac Dios ñucaca: Israelcunapurapi causac shungupipish, aichapipish circuncisionta mana ruhuashca caru llacta gentecunaca manatac ñuca huasimanca yaicungachu nini.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

DANIEL 10:9

Chai quipaca pai rimashcatami uyarcani. Chai rimashcata uyashpaca urai singa urmashpami sueñushpa saquirishca carcani.

JEREMÍAS 31:23

Israelcunapac tucuita Mandac Diosca: «Gentecunata prezumanta ñuca llucchimucpica, Judá llactapish, chai llactapi tiyac llactacunapish: “¡Cashcata ruhuashpa, causana llactalla, Diospac urculla, Mandac Dios bendiciachun!” ningami.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 1:26

Utcapi shinallatacmi alli juezcunata, allita cunaccunata churasha. Chashna ruhuacpimi: “Cashcata ruhuac, Diosta alli cazuc llactami” ningacuna.

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

1 CRÓNICAS 16:29

Mandac Diospac shutita, sumacyachichic. Paiman ofrendata apashpa, paipac ñaupaman shamuichic. Paipac jucha illac huasipi cungurishpa alli nichic.

ISAÍAS 4:3

Shinallatac Sionpi, Jerusalenpi saquirishcacunaca Diospaclla chicanyachishca nishcami canga. Jerusalenpi saquirishcacunapac shutita quillcashcami canga.

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

ISAÍAS 64:10

Cambaclla acllashca llactaca shitashcami siricun. Sión urcupish, Jerusalén llactapish shitashca pambami siricun.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

ISAÍAS 60:1

¡Sión llactalla, jatariyari! ¡Achicyachiyari! Canta achicyachic luzca ñami shamushca. Cambac jahuapica Mandac Diospac achic nicucmi achicyachicun.