ISAÍAS 51:23 - Dios Rimashcata Quillcashcami

²³ Chai copata canta yallita llaquichiccunapac maquipi churashpaca: “Ñucanchic sarushpa pasangapac cumuri” niccunapac maquipimi churagrini. Shina nicpica, canca ñan allpan shina tucushpa, cambac jahuata pasachunmi saquingui» ninmi.

ISAÍAS 51:23 Referans Kwoze

JOSUÉ 10:24

Chai mandaccunata Josuepacman pushamucpimi, Josueca tucui israelcunata cayashpa, paihuan cac macanacuc runacunata mandaccunataca: «Caiman cuchuyashpa, cai jatun mandaccunapac cungapi saruichic» nirca. Shina nicpimi, paicuna cuchuyashpa, chai jatun mandaccunapac cungapi sarurca.

ZACARÍAS 12:2

«Ñucami Jerusalenpi causaccunataca muyundipi causaccunapac vino copata shina ruhuasha. Paicunami Judá llacta muyundipi causac paicunata piñaccunataca chucchuchinga. Jerusalenta piñaccuna muyunacushpa shayacuc punzhami chashnaca ruhuanga.

APOCALIPSIS 17:18

Can ricushca huarmica tucui cai pachapi tiyac jatun mandaccunata mandac jatun pueblomi» nirca.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

PROVERBIOS 21:18

Cashcata ruhuac runataca Diosta mana manchac runata cushpa, allita ruhuac runataca yachashca jahua mana cazuc runata cushpami quishpichin.

PROVERBIOS 11:8

Cashcata ruhuac runataca jatun llaquimantapish quishpichingami. Ashtahuanpish Diosta mana manchac runataca yalli llaquimi tucuchinga.

SALMOS 66:12

Caballocunapi montashca gentecunahuanmi ñucanchic umata saruchircangui. Nina jahuata, yacu chaupita pasachishpami quipata mai allicunata curcangui.

ABDÍAS 1:16

Ima shinami, canca ñucapaclla urcupi jayacta ubiarcangui, chashnallatacmi shuctac llactapi causaccunapish, mana samarishpa jayacta ubiana can. Shina ubiashpaca mana tiyashca shinallatacmi tucunga.

MIQUEAS 7:10

Chaitaca ricushpaca ñucata piñashpa: “¿Canta Mandac Diosca maipitacyari?” nicpish, pingaihuan umata taparingami. Paicunata ñanpi turuta saruc shina llaquichishcataca ñuca ñahuihuantacmi ricusha.

SALMOS 129:3

Yapuc runacunaca ñuca lomopimi yapurcacuna. Jatun huachucunatami ruhuarcacuna.