ISAÍAS 51:11 - Dios Rimashcata Quillcashcami

¹¹ Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 51:11 Referans Kwoze

ISAÍAS 25:8

Mandac Diosca huañuitaca huiñaipacmi tucuchinga. Tucuipac ñahuimantami huiquita pichanga. Pai acllashcacunata pingaichiccunatapish tucui cai pachamanta anchuchingami. Chaitaca Mandac Diosmi nin.

APOCALIPSIS 21:4

Paica tucui huiquitami ñahuicunamantaca pichanga. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu» nirca.

APOCALIPSIS 7:17

Ashtahuanpish mandashpa tiyarina chaupipi cac Pactalla Ovejami michinga. Paillatacmi huiñai causaita cuc yacumanpish pushanga. Shinallatac paicunapac ñahuicunamantaca Diosmi tucui huiquita pichanga» nirca.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

ISAÍAS 61:7

Yallita pingaichishca, mana alli nishca canapac randica, ishcai cutin yalli herenciatami japinguichic. Pingaichishca canapac randica, chai herenciamantami yallita cushicunguichic. Cancunapac llactapica chai herenciatapish japishpami, huiñaita cushilla canguichic.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

APOCALIPSIS 22:3

Chai pueblopica Dios mana alli nishcaca imapish mana tiyangachu. Diospacpish, Pactalla Ovejapacpish tiyana pueblomi can. Chaipica Diospacta ruhuaccunaca paita alli ningacunami.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

ISAÍAS 65:19

Ñucapish Jerusalenmantami cushicusha. Ñuca acllashcacunahuanmi yallita cushicusha. Jerusalenpica llaquihuan huacashcaca jaicapi mana uyaringachu.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

APOCALIPSIS 21:1

Chai quipaca ñaupaman cac jahua pachapish, cai pachapish shinallatac mama cucha yacupish chingaricpica, jahua pachatapish, cai pachatapish mushuc cashcatami ricurcani.

SALMOS 126:5

Huacashpa tarpuccunaca cushicushpami cosechangacuna.

ISAÍAS 11:15

Mandac Diosca Egiptopi tiyac mama cuchamanta llucshicuc yacutapish chaquichingami. Paipac poderyuc Espirituhuanmi Eufrates jatun yacu jahuata maquita chutashpa, chai yacumanta llucshicuc canchis yacucunatapish chaquichinga. Shina chaquichishpami israelcunataca paicuna churarishca ushutandi pasachinga.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 65:14

Ñucata serviccunaca tucui shunguhuanmi yallita cushicushpa cantanga. Ashtahuanpish cancunaca shungu nanaihuanmi caparinguichic. Cancunapac shungu paquirishpami, yallita llaquiringuichic.

JEREMÍAS 31:13

Carihuan mana chayarishca solteraca mosocunahuan, yuyaccunahuanmi danzashpa cushicungami. Huacanapac randica cushicungami. Nanaihuan canapac randica samaringami.

SALMOS 126:2

Chaipimi yallita asircanchic. Ñucanchic rimashcahuanmi Diosta cantarcanchic. Chashna cantacpimi, shuctac llactacunapi causaccunaca: «Mandac Diosca paicunamanca jatun mancharina allicunatami ruhuashca» nircacuna.