ISAÍAS 50:4 - Dios Rimashcata Quillcashcami

⁴ Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

ISAÍAS 50:4 Referans Kwoze

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

JEREMÍAS 1:9

Shinami Mandac Diosca paipac maquita ñuca shimipi tupachishpaca: «Riqui, ñuca rimashcacunatami cambac shimipi churani.

PROVERBIOS 25:11

Manarac llaqui tiyacpi, alli yuyarishpa rimarishcaca curi manzanapi cullquita churashpa, sumacta ruhuashca shinami.

PROVERBIOS 15:23

Runaca sumacta rimashpa cutichishpami cushicun. ¡Alli rimaita parlachun munashca horasca mai sumacmi!

SALMOS 119:147

Manarac pacaricpi jatarishpami mañani. Can rimashcatami shuyacuni.

SALMOS 143:8

Canllapimi shunguta churani. Chaimanta can yallita cuyac cashcataca tutamanta huillaiyari. Ñuca ima shina causanata yachachiyari. Ñuca almataca canmanmi mingarcani.

SALMOS 5:3

Tutamanta ñuca caparishpa mañashcata uyanguiyari. Tutamanta cambac ñaupapi mañashpami shuyacusha.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.

SAN MATEO 13:54

Chashnami Nazaret puebloman chayashpa, tandanacuna huasipi yachachi callarirca. Chaita paicuna uyashpaca: —¿Maipitac cai tucuitaca yachacurca? ¿Ima shinatac paica milagrocunatapish ruhuanyari?

SAN MATEO 11:28

Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.

SAN MATEO 22:46

Jesús chashna nicpica, pi imata mana cutichircachu. Chai punzhamanta pachami pi ashtahuan mana tapurca.

SAN JUAN 7:46

Shina nicpimi soldadocunaca: —Chai runa shinaca, jaicapi pi mana rimashcachu— nirca.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

SALMOS 88:13

Shina cacpipish Mandac Dioslla, ñucaca cantami mañani. Tutamanta jatarishpami canta mañani.

PROVERBIOS 12:25

Shungu yallita llaquihuan cashpaca ima yuyaitapish chingachinllami. Ashtahuanpish allita rimashcaca cushichinmi.

ISAÍAS 8:16

Ñucaca: “Cai huillashpa yachachishcataca ñucata caticcunapurapi sellashpa huacaichic shina charichic” nircani.

ISAÍAS 28:9

Paicunaca: «Alli yachaica, ¿pitatac yachachin? Chai huillashcacunaca, ¿pitatac entendichin? ¿Chuchumanta cunanlla raquishca huahuacunatachu yachachin? Mana cashpaca, ¿raquishca huahuacunatachu yachachin?

ISAÍAS 28:19

Chai llaquicunami tucui tutamantacuna, chishicuna, tucui punzhacuna pasanga. Chai shamucta uyashpallami manchashpa urmanguichic.

ISAÍAS 35:5

Pai shamucpica, mana ricuccunapac ñahuipish, mana uyaccunapac ringripish pascaringami.

ISAÍAS 40:29

Shaicushcacunamanpish paimi fuerzata cun. Fuerza illaccunataca sinchiyachinmi.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

JEREMÍAS 31:25

Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

EZEQUIEL 46:13

Punzhanta mana ima tucushca shuc maltón ovejata Mandac Diosman cushpa, tucui rupachingui. Cada tutamanta animalta cushpa huañuchingui.

DEUTERONOMIO 18:17

Shina mañacpica, Mandac Diosca: “Chashna mañashpaca allitami nishcanguichic.

DEUTERONOMIO 18:18

Cancunapac huauquipuramanta can shina ñucamanta huillacta cachashami. Paipac shimipi ñuca rimaicunata churacpimi, paica tucuita huillanga.

JOB 4:4

Pandaric runatapish sumacta rimashpami allichic carcangui. Changa mucucuna quihuiricucpipish, sinchiyachicmi carcangui.

SALMOS 40:7

Chaimantami ñucaca: «Can quillcashca pillushca carapica ñucamantami huillacun. Ñucaca chaita ruhuangapacmi shamuni. Chai carapica: