ISAÍAS 50:10 - Dios Rimashcata Quillcashcami

¹⁰ Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 50:10 Referans Kwoze

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachaman shamurcani.

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

SALMOS 23:4

Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

HEBREOS 5:9

Chai shina tucui Dios nishcata pactachishpami, tucui paita cazuccunapac huiñaita quishpichic tucurca.

ISAÍAS 9:2

Tutapi causaccunaca jatun luztami ricurca. Huañunalla llandupi causaccunataca luzmi achicyachirca.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

1 PEDRO 5:7

Ima llaquicuna japicpipish, Diospac maquipi churaichic. Paica cancunata cuidacunmi.

SALMOS 42:11

Ñuca almalla, ¿ima nishpatac shaicushpa, ñuca ucupi llaquiricunguiyari? Diosta alabanaracmi cani. Chaimanta paita shuyailla. ¡Paica ñuca Diosmi ñuca quishpichicmi!

SALMOS 28:7

Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

ISAÍAS 53:11

Paica, pai llaquita apashcaca mana yanga cashcata ricushpami, yallita cushicunga. Chai servicca allita yachac, cashcata ruhuac cashcamantami cashcata ruhuashpa, gentecunapac juchacunata aparinga.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

SALMOS 25:12

Mandac Diosca paita manchaccunamanca maijan ñanta acllachunmi yachachin.

JOB 29:3

Paipac achic-huan ñucata achicyachicpimi, amsa cacpipish mana manchashpa, puric carcani.

SALMOS 128:1

Mandac Diosta manchashpa, pai munashca shina causaccunaca tucuimi cushicuncuna.

SALMOS 111:10

Yallita yachac cangapacca Mandac Diostaracmi manchana can. Tucui pai mandashcacunata ruhuashpa causaccunami alli yuyaita charin. Diosca huiñaita jatunyachishca cachun.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

SALMOS 145:21

Ñuca shimica Mandac Diostami alabanga. ¡Jucha illac can Diospac shutitaca huiñai huiñaita alabachuncuna!

2 CRÓNICAS 20:20

Paicunaca tutamanta utca jatarishpami, shitashca pamba Tecoaman llucshircacuna. Chaiman llucshicushpami Josafatca: «Judá llactapi, Jerusalenpi causaccuna uyaichic. Cancunata Mandac Diospi shunguta churaichic. Shina ruhuacpica, ima llaquipish mana japingachu. Dios ima nishcata huillaccuna huillashcapipish shunguta churaichic. Shina ruhuacpica, tucuimi alli llucshinga» nirca.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ECLESIASTÉS 12:13

Cai tucui yachachishca uyashca quipaca, ña tucuchingapacca tucurina rimaicunatami nini. Diosta manchangui. Pai mandashcacunata pactachingui. Tucui caicunatami runacunaca ruhuana can.

JOB 13:15

Dios ñucata huañuchicpipish, paillapimi shunguta churashpa shuyasha. Ñuca ima shina cashcataca paipac ñaupapimi ricuchisha.

2 CRÓNICAS 20:12

Ñucanchic Mandac Dioslla, paicuna chashna ruhuashcamanta llaquichiyari. Ñucanchic-huan macanacungapac shamuc achca gentecunahuan shayaringapacca mana fuerzata charinchicchu. Ima ruhuanatapish mana yachanchicchu, ashtahuanpish canllatami chaparacunchic» nirca.

1 CRÓNICAS 5:20

Chai macanacuipimi Diospi shunguta churashpa Diosta mañarcacuna. Chaimantami Diosca paicunapac maquipi agarenocunatapish, paicunata ayudaccunatapish churarca.

1 SAMUEL 30:6

Davidtaca tucui gentecunami paicunapac huarmicunata, churicunata, ushicunata prezu apashcamanta, paicunapac shungupi yallita piñarishpa, rumicunahuan shitashun nicurca. Davidca yallitami llaquilla carca, shina cashpapish Mandac Diospi shunguta churashpami sinchiyarca.

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

LAMENTACIONES 3:2

Ñucatami luzmanta caruyachishpa, pura tutapi pusharca.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

ISAÍAS 10:20

Chai punzhacunapica israelpuramanta, Jacobopac huasi ucupuramanta puchushcacunaca ña mana ashtahuan paicunata llaquichiccuna parte tucungachu. Ashtahuanpish israelcunata Mandac jucha illac Diosllatami tucui shunguhuan yuyarishpa causanga.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

DANIEL 3:28

Chaimantami Nabucodonosorca: «Sadrocpac, Misacpac, Abed-negopac Diosca alli nishca cachun. Paimi, paita yuyarishpa causac, paita servic runacunata quishpichingapac paipac angelta cacharca. Paicunaca ñuca jatun mandac cacpipish, ñuca mandashcata mana cazurcachu. Paicunaca Diosta saquishpa, shuctac diosta servinapac randica, paicunapac cuerpotami rupachun saquirca.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

HAGEO 1:12

Shina nicpimi, Salatielpac churi Zorobabelpish, Josadacpac churi curacunata mandac Josuepish, saquirishca gentecunapish Mandac Dios rimashcata uyarca. Chashnami Dios ima nishcata huillac Hageo huillashcata uyashpa, Mandac Diospac ñaupapi yallita mancharirca.

2 SAMUEL 22:29

Mandac Dioslla, ñucata achicyachic luzmi cangui. Ñuca Diosmi ñuca pura tutatapish achicyachin.

ISAÍAS 8:17

Mandac Diosca Jacobopac huahua huahuapuramanta ñahuita pacashcami. Ñucaca paitami shuyashpa, yuyarishpa causasha.

NAHÚM 1:7

¡Mandac Diosca allimi! Llaqui punzhacunapica sinchi torre shinami jarcan. Paita shuyaccunataca cuidanmi.