ISAÍAS 5:8 - Dios Rimashcata Quillcashcami

⁸ ¡Aij, shuctac shuctac huasicunata shayachiccunalla, cancunaca pimanpish mana saquishpami, allpacunata japishpa mirachinguichic! ¡Tucui cai llactapica cancunallami causagringuichic!

ISAÍAS 5:8 Referans Kwoze

MIQUEAS 2:2

Maijanpac allpacunatapish, huasicunatapish yallita munashpami quichun. Paicunaca shuc runata llaquichishpami, paipac familiatapish llaquichishpa, ima charishcacunatapish quichushpa llaquichin.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

EZEQUIEL 33:24

«Huañunalla runa, llaquinayaita tucuchishca Israel llactapi causaccunaca: “Abrahamca pailla cashpapish llactata japircami. Ñucanchicca achcami canchic. Chaimanta japishunllami” nincunami.

EZEQUIEL 11:15

«Huañunalla runa, cambac quiquin huauquicuna, israelcunata, Jerusalenpi causaccunata rimashpaca: “¡Mandac Diosmanta caruyaichic! ¡Ñucanchicmanmi cai llactataca curca!” ninmi.

JOB 15:28

Shitashca pueblopi, ña urmanalla shitashca huasicunapimi causarca.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

JOB 20:21

Pai mana micushcaca imapish mana tiyarcachu. Chaimantami pai imalla charishcacunaca mana unaicaman canga.

PROVERBIOS 15:27

Charinallata munac runaca paipac huasi ucupuramanmi llaquita apamun. Ashtahuanpish cullquita pacalla cucpi mana japic runaca causangami.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

HABACUC 2:6

¿Manachu shuctac llactacuna yuyarina rimaicunahuan, paita burlashpa cantanga? Chai llactacunaca: “¡Aij, manapish quiquinpac cashcahuan mirachiccunalla! ¿Ima punzhacamantac prendacunata japishpa montonacungalla?” ningami.