ISAÍAS 5:26 - Dios Rimashcata Quillcashcami

²⁶ Caru llactapi causaccunataca banderata alzashpami, Diosca cayanga. Tucui cai pachapi causaccunatami silbashpa cayanga. Chashna cayacpica, utcami callpashpa shamungacuna.

ISAÍAS 5:26 Referans Kwoze

ZACARÍAS 10:8

Ñucami silbashpa, cayashpa tandachisha. Ñucami paicunata quishpichisha. Paicunaca utcapi cashca shinallatacmi yallita achca cangacuna.

ISAÍAS 7:18

Chai punzhapimi Mandac Diosca Egiptopi tiyac jatun yacu patapi causaccunataca chuspicunata pucushpa cachac shina cachanga. Asiria llactapi causaccunataca bungacunata shinami cachanga.

ISAÍAS 18:3

Tucui cai pachapi causaccuna urcucunapi banderata shayachishcata ricuichic. Cornetapi tocashcata uyaichic.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.

ISAÍAS 11:12

Tucui llactapi causaccuna ricuchun, shuc banderata shayachishpami, llucchishpa cachashca israelcunataca cutin tandachimunga. Caita, chaita rishca Judá aillutapish cai pacha chuscu ladomantami tandachimunga.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

HABACUC 1:8

Paicunapac caballocunaca leopardocunatapish yalli callpac, amsata llucshic atuccunatapish yalli millaicunami canga. Caballopi ric soldadocunaca tandanacushpami huaicashpa carumanta shamunga. Paicunaca angacuna ima animalta japingapac jahuata shamuc shinami shamunga.

JOEL 2:7

Sinchi soldadocuna shina callpashpami, pirca jahuaman huichicunga. Tucui paicunaca mana ladoyashpami, quiquin ñanta catishpa ringa.

LAMENTACIONES 4:19

Ñucanchicta caticcunaca volac angatapish yalli callpaccunami carca. Urcucunata catishpa rishpami shitashca pambapi chaparca.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

JEREMÍAS 5:15

Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

ISAÍAS 39:3

Chai quipami Dios ima nishcata huillac Isaías jatun mandac Ezequiasta ricungapac rishpaca: —Chai runacunaca, ¿maimantatac shamurca? ¿imatatac nirca?— nirca. Shina nicpimi Ezequiasca: —Paicunaca caru llacta Babiloniamantami shamushca— nirca.

ISAÍAS 30:16

Ashtahuanpish cancunaca: «Caballocunapi callpashpa quishpirishunllami» nircanguichicmi. ¡Cancuna nishca shinallatac miticushpa callpanguichicmi! Shinallatac: «Yallita callpac caballocunapimi callpashun» nircanguichicmi. ¡Shina cacpipish, cancunata caticcunaca alli callpac caballocunallapitacmi catinga!

ISAÍAS 13:5

Mandac Diosca caru llactamanta, jahua pacha tucurimantami yallita piñarishpa, tucui cai pachata tucuchingapac paita servic soldadocunahuan shamun.

ISAÍAS 13:2

Shitashca urcupi banderata shayachi. Mandaccuna yaicuna punguta soldadocuna yaicuchun sinchita caparishpa maquita alzaichic.

SALMOS 72:8

Paica shuc lado mama cuchamantaca caishuc ladocaman, jatun yacumantaca cai pacha tucuricamanmi mandanga.

SALMOS 60:4

Arcocunahuan shitacpi jarcarichunmi canta manchaccunamanca banderata cushcangui.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

ISAÍAS 13:3

Ñucaca, ñuca acllashca soldadocunatami cachagrini. Piñarishpa llaquichingapacmi sinchi soldadocunata tandachircani. Paicunaca ñuca macanacuita mishacpimi cushicun.

ISAÍAS 13:4

Urcucuna jahuapica achca gentecuna caparinacushca shina, jatun mandaccuna llactacunapi causaccuna tandanacushpa caparinacushca shinami uyarin. Tucuita Mandac Diosmi macanacungapac soldadocunata yupan.

ISAÍAS 31:9

Paicunaca manchaihuanmi irquiyashca saquiringa. Mandaccunapish yallita mancharishpami, paicunapac banderacunata shitashpa callpanga. Sión urcupica ninata japichishpami shuyacun. Jerusalenpica hornota rupacyachishpami shuyacun. Chaitaca Mandac Diosca ñucami nini.

EZEQUIEL 38:17

Mandac Diosca: Ñaupa huatacunamanta canmanta ñucata serviccunata Israel huillaccunata huillachircani. Chai huillaccunami israelcunata ñuca llaquichinamanta huillarca. Chaitaca pactachishatacmi.