ISAÍAS 5:14 - Dios Rimashcata Quillcashcami

¹⁴ Chaimantami Seolpish piña animal shina, shimita achcata pascashca. Chaimanmi alli nishca runacunapish, paicunahuan cushicuc achca gentecunapish urai ringa.

ISAÍAS 5:14 Referans Kwoze

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

HABACUC 2:5

Jatun tucushca vino shinami llaquiman apan. Seol pascaric shinami imatapish mashcanga. Huañui shinami mana shaicunga. Shinallatac paipaclla cachunmi tucui llactacunata munan. Chashna jatun tucushca runaca mana causangachu.

PROVERBIOS 30:16

Chaicunaca Seolpish, huahuata mana charic huarmipish, mashnata tamyacpipish yacuta mana sacsac chaquiclla allpapish, shinallatac ninapish jaicapi mana: «¡Chailla!» ninchu.

SAN MATEO 7:13

Quichqui punguta yaicuichic. Chaica chingarinaman apac ñanpish, pungupish purinalla anchomi. Taucacunami chaitaca yaicun.

PROVERBIOS 27:20

Seolpish Abadonpish mana sacsanchu. Chai shinallatacmi runapac ñahuipish mana shaicun.

SALMOS 55:15

Cungailla huañui japichun, Seolman causac chayagrishca cachun. Paicunapac huasipipish, paicunapac chaupipish millaillatami ruhuancuna.

ISAÍAS 30:33

Asiria llacta jatun mandacta llaquichingapacca utcamanta pachami Tofet jatun hornota huacaichishpa charicun. Chai jatun hornoca achca yantahuanmi rupacyachicun. Mandac Dios chai hornota pucucpica, azufre rupacuc shina culun ningami.

ISAÍAS 14:9

Canta ricushpaca Seol ucupish cuyurircami. Canhuan tupachunmi, huañushcacunatapish ricchachirca. Cai pachapi tucui mandaccunatapish, jatun mandaccunatapish mandashpa tiyarinamanta jatarichircami.

SAN LUCAS 17:27

Noé jatun barcoman yaicuna punzhacamanca, gentecunaca micushpa, ubiashpa, cazarashpa, cazarachishpami causacurca. Chashna causacucpimi, yacu juizhu shamushpa, tucuita tucuchirca.

ISAÍAS 21:4

Ñuca shunguca upayanmi. Manchaillami causani. Ñuca munashca tutayana chishica manchanami tucun.

PROVERBIOS 1:12

Seol shinami causacta millpushun. Jatun jutcupi shitac shinami chingachishun.

SALMOS 49:14

Paicunataca huañuimi manada ovejata shina Seolman pushanga. Chaipica huañuimi michic shina cuidanga. Tutamanta pacarinataca allita ruhuashpa causaccunami paicunataca chaqui ucupi churashpa mandangacuna. Seolmi paicunapac causana huasica canga.

DANIEL 5:30

Chai tutallatacmi caldeocunata jatun mandac Belsasarca huañurca.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

ISAÍAS 14:11

Canca alli nishca cashpapish, arpacunapi tocac cashpapish Seolmanmi urai shamushcangui. Caipica cambac cama shinaca curucunami. Cutin cata shinaca cuicacunami.

ISAÍAS 24:8

Panderopi huactashpa cushicunapish, yallita cushicushpa caparinapish, arpapi tocashpa cushicunapish tucurinmi.

EZEQUIEL 7:12

Chai punzhapish, chai horaspish chayamushcami. Imata randishpapish ama cushicuchun, imata catushpapish ama llaquirichun. Ñuca piñarishpa cachashca llaquicunaca tucuitami llaquichinga.