ISAÍAS 5:13 - Dios Rimashcata Quillcashcami

¹³ Ñuca acllashcacunaca ñucata mana ricsishcamantami prezu apashca carca. Chaipimi paicunapac alli nishca runacunaca yarcaihuan huañurca. Shinallatac achcacunami yacunayaihuan chaquishpa huañurca.

ISAÍAS 5:13 Referans Kwoze

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

ISAÍAS 1:7

Cancunapac llactaca shitashcami. Pueblocunapish rupachishcami. Pambacunapi pucushcacunatapish shuctac llacta gentecunami cancunapac ñaupallapitac micushca. Shuctac llacta gentecunami shitashca pambata saquishca.

2 PEDRO 3:5

Chai gentecunaca Dios rimashpalla jahua pachatapish, cai pachatapish ñaupamanta pacha ña ruhuashcata, shinallatac allpatapish yacumanta chicanyachishpa, yacu chaupipi charicushcataca mana entendishun nincunachu.

LAMENTACIONES 4:9

Grano mana pucucpi, yarcaihuan allimanta huañuna shinaca, allimi jatun macanacuipi huañurca.

JEREMÍAS 14:18

Pambaman llucshishpaca, jatun macanacuipi huañuchishcacunata, llactaman yaicushpaca, yarcaihuan ungushcacunatami ricuni. Diosmanta huillaccunapish, curacunapish paicuna mana ricsishca llactapimi puricurca” ningui» nirca.

JEREMÍAS 14:3

Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.

JEREMÍAS 8:7

Jahuata volac cigüeñapish ima quillapi shuctac ladoman rinata yachanmi. Urpipish, grulla animalpish, golondrinapish ima quilla shuctac llactaman rinata yachanmi. Ashtahuanpish ñuca acllashca cancunaca ñuca mandashcataca mana yachashpami causanguichic.

SAN LUCAS 19:44

Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

AMÓS 8:13

Chai punzhacunapica carihuan manarac chayarishca sumac solteracunapish, mosocunapish yacunayaihuanmi huañunalla tucunga.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

ISAÍAS 3:1

Mandac Diosca Jerusalenmanta, Judá llactamantaca micunatapish, yacutapish anchuchingami.

ISAÍAS 3:3

pichca chunga soldadocunata mandactapish, cunac runatapish, artesanotapish, sumac shimicunata rimac runatapishmi anchuchinga.

ISAÍAS 23:9

Tucuita Mandac Diosmi alli nishca, jatun tucushcacunata yangapi churashpa, pingaichingapac yuyarishca.

ISAÍAS 44:19

Imata ruhuacushcataca shungupi mana yuyarinchu. Shinallatac: «Cai caspimanta maijanca rupachishpa, chai nina carbonpica tandata, aichata cusashpami micurcani. ¿Chai puchushca caspihuanchu millana shuc diosta ruhuasha? ¿Chai puchushca caspi ñaupapichu cungurisha?» nina yuyaitaca pipish mana charinchu.

ISAÍAS 49:21

Chashna nicpi, cambac shungupica: “¿Pitac cai huahuacunataca ñucaman sajuarirca? Ñucaca huahuacunata mana chari pudic sapallami carcani. Llactacunamanta llucchishpa cachashca ñucallami carcani. ¿Maimantatac cai huahuacunaca ricurirca? ¿Pitac cai huahuacunataca huiñachirca?” ninguimi» ninmi.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

EZEQUIEL 7:12

Chai punzhapish, chai horaspish chayamushcami. Imata randishpapish ama cushicuchun, imata catushpapish ama llaquirichun. Ñuca piñarishpa cachashca llaquicunaca tucuitami llaquichinga.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.