ISAÍAS 49:4 - Dios Rimashcata Quillcashcami

⁴ Ashtahuanpish ñucaca: «Yangallami trabajashcani. Imatapish mana japingapacmi ñuca fuerzata tucuchishcani. Shina cacpipish, ñuca imata ruhuashcataca Mandac Diosmi ricucushca. Imata ñuca ruhuashcamantaca ñuca Diosmi cunga» yuyarcanimi.

ISAÍAS 49:4 Referans Kwoze

ISAÍAS 35:4

Manchaihuan causaccunataca: «¡Sinchiyaichic, ama manchaichicchu! Mandac Diosmi cancunata piñaccunata llaquichingapac shamunga. Paillatacmi quishpichingapac shamunga» ninguichic.

GÁLATAS 4:11

Ñucaca cancunaman ima yachachishcapish yanga cana cashcatami manchani.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli cuyacucpica, ¿ima nishpatac cancunaca ashallata cuyanguichic?

2 CORINTIOS 2:15

Diosmanca ñucanchicca Cristomantami mishquilla ashnacuc incienso shina canchic. Chai mishquilla ashnacucmi quishpirinaman riccunapurapipish, chingarinaman riccunapurapipish ashnacun.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

SAN MATEO 17:17

Chaimantami Jesusca: —¡Aij, mana cric millai gentecunalla! ¿Ima horacamantac cancunamanca yachachicushalla? ¿Maicamantac cancunahuanca llaquita apacushalla? Huambrata pushamuichic— nirca.

EZEQUIEL 3:19

Ashtahuanpish, ñucata mana manchac runa can rimashca jahua millaita ruhuanata mana saquishpa, mana alli causaitapish mana saquishpa, ñucaman mana tigrarishpaca, paipac juchamantami huañunga. Ashtahuanpish canca mana juchanchishcachu cangui.

ISAÍAS 65:23

Mana yanga trabajangachu. Huahuacunapish mana llaqui tucungapacchu huacharinga. Paicunapish, paicunapac huahua huahuacunapish Mandac Dios bendiciashcami canga.

ISAÍAS 62:11

Mandac Diosca tucui cai pacha tucuri punzhacunapi causaccunataca: «Sión urcupi causaccunataca: “¡Cancunata quishpichicca ñami shamun! ¡Cancunaman cunatami apamun! ¡Pai ruhuashcacunaca ñaupashpami shamun!” nishpa huillaichic» nirca.

ISAÍAS 40:10

Riquichic, Mandac Diosca jatun poderhuanmi shamun. Paipac rigrahuanmi allicunamanca allita cunga. Mana allicunataca llaquichinga.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

ROMANOS 10:21

Israelcunamanta Isaías cutin rimashpaca: «Ñucata mana cazuc, piñac gentecunataca tucui punzhacunami rigrata pascashpa cayacurcanilla» ninmi.

SAN JUAN 1:11

Paipac gentecunapacmanmi shamurca. Ashtahuanpish paipac gentecunaca mana chasquircachu.

SAN LUCAS 24:26

¿Manachu Cristoca jahua pachapi Dios alli nishca cangapacca, llaquitarac apana carca?— nirca.

ISAÍAS 65:2

Punzhantami mana cazushpa, quiquin munashca ruhuashpa causac gentecunataca maquita chutashpa cayarcani.

LEVÍTICO 26:20

Cancunaca yangami imatapish ruhuanguichic. Allpapica imapish mana pucungachu, yuracunapish mana pucungachu.

FILIPENSES 2:16

Ñuca huillashcapish, ñuca imata ruhuashcapish ama yanga cachunca, causaita cuc alli huillaita huillaichic. Chashna huillacpimi, ñucaca Cristo cutimuna punzhapi mai cushicusha.

PROVERBIOS 29:26

Achcacunami mandactaca paicunaman allita ruhuachun mañancuna. Ashtahuanpish Mandac Diosmi ima shina cashcata ricushpa cun.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 40:27

Jacobopac huahua huahuacunalla, ¿ima nishpatac caparicunguichic? Israelcunalla, ¿ima nishpatac cancunaca: «Mandac Diosca ñucanchic imata ruhuashcatapish, mana yachanchu. Shinallatac ñami ñucanchicta tariparca» ninguichic?

ISAÍAS 57:21

Ñucata Mandac Diosca: «¡Ñucata mana manchaccunamanca cushi causaica mana tiyangachu!» ninmi.

ISAÍAS 59:18

Paita piñaccunataca llaquichina cashca shinallatacmi llaquichinga. Paita mana ricunayachiccunatapish, paita piñaccunatapish yallita piñarishpami llaquichinga. Mama cucha patapi causaccunatapish paicuna piñashca shinallatacmi llaquichinga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

1 REYES 19:10

Shina nicpimi paica: —Ñucaca Mandac Diosta yallita cuyashcamantami llaquirini. Israelcunaca canhuan ari nishcatapish, cambac altarcunatapish shitashpami rishca. Canmanta huillaccunataca espadahuanmi huañuchishca. Chai huillaccunamantaca ñucallami saquirishcani. Cunanca, ñucatapish huañuchingapacmi mashcacuncuna— nirca.