ISAÍAS 49:13 - Dios Rimashcata Quillcashcami

¹³ ¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

ISAÍAS 49:13 Referans Kwoze

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

ISAÍAS 52:9

Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, yallita cushichirca.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

JEREMÍAS 31:13

Carihuan mana chayarishca solteraca mosocunahuan, yuyaccunahuanmi danzashpa cushicungami. Huacanapac randica cushicungami. Nanaihuan canapac randica samaringami.

1 CRÓNICAS 16:31

¡Jahua pachapish, cai pachapish yallita cushicuichic! Llactacunapica “Mandac Diosmi mandacun” nishpa huillaichic.

SALMOS 69:34

Jahua pachapish, mama cuchapish, chaipi tucui tiyaccunapish paita alabaichicyari.

SALMOS 71:21

Ñucata ashtahuan alli nishcata ruhuashpami cutinllatac cushichingui.

SALMOS 148:9

urcucunapish, tucui lomacunapish, granota pucuc yuracunapish, tucui cedro yuracunapish,

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

ISAÍAS 49:14

Shina cacpipish, Sionpi causaccunaca: «Mandac Diosca saquishcami. Ñucanchictaca cungarishcami» nircami.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

ISAÍAS 54:7

Asha ratollatami cantaca shitarcani. Shina cashpapish yallita llaquishpami, cutin pushamugrini.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

JEREMÍAS 51:48

Jahua lado llactamantami Babilonia llactata llaquichingapac shamunga. Paicuna shamushpa, tucui tucuchicpica, jahua pachapish, cai pachapish, chaipi tiyaccunapish cushicushpami cantanga.

EZEQUIEL 35:14

Chaimantami Mandac Dios ñucaca: Cantaca tucui llactacuna ricushpa, cushicuchunmi llaquinayai shitashca pambata saquisha.

SALMOS 65:13

Animalcunapish pamba jundami tucun. Pugru pambacunapish tucui chagrallami. Yallita cushicushpami caparishpa cantancuna.

SALMOS 89:13

Cambac maquica tucuita ruhuac, sinchi maquimi. Cambac alli lado maquica alli nishcami.