ISAÍAS 48:4 - Dios Rimashcata Quillcashcami

⁴ Cancunapac shungu, barra fierro shina cashcatapish, frenteca bronce shina cashcata yachanimi.

ISAÍAS 48:4 Referans Kwoze

HECHOS 7:51

Rumi shungu gentecuna, Dios ima nishcata mana cazuccunami canguichic. Cancunapac ñaupa taitacuna shinami, Diospac Espiritutapish mana cazunguichic.

ÉXODO 32:9

Cai israelcuna sinchi shungu cashcatami yachani.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ROMANOS 2:5

Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

DEUTERONOMIO 31:27

Cancuna mana cazuc sinchi shungu cashcataca yachanimi. Cunan ñuca cancunahuan pacta causacucpipish, Mandac Diosta mana cazuc cashpaca, ñuca huañushca quipaca, ¡imachari canguichic!

ÉXODO 33:5

Mandac Diosca Moisestaca: «Israelcunataca: “Cancunaca yalli sinchi shungumi canguichic. Ñuca cancunapac chaupipi ashallatapish cashpaca, tucuitami huañuchishpa chingachiman. Cunanca churanacunata anchuchichic. Quipatami ñuca imata ruhuanataca yuyarisha” ninmi ningui» nirca.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

SALMOS 75:5

¡Ama yallita cari tucushca caichicchu. Ama pingai illac shina maipish cachun rimaichicchu!» ninmi.

ÉXODO 33:3

Lechepish, mishquipish yacu shina callpacuc llactaman richic. Cancuna yalli sinchi shungu cacpimi, ñucaca cancunahuanca mana risha. Ñuca cancunahuan rishpa, cancuna juchallicpica, tucuita chingachishami— nirca.

ISAÍAS 46:12

Cashcata ruhuanata mana munac, sinchi shungucuna uyaichicyari.

2 CRÓNICAS 36:13

Shinallatac jatun mandac Nabucodonosortapish mana cazurcachu. Nabucodonosorca paihuan shuc shinalla cachunmi, Diospac shutipi ari nishca carca. Chashna ari nishca jahuami sinchi shungu tucushpa, mana pactachishpa, israelcunata Mandac Diospacman cutirinatapish mana munarca.

HEBREOS 3:13

Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

DANIEL 5:20

Ashtahuanpish paipac shungupipish, yuyaipipish jatun tucushcamantami, pai mandanatapish, pai alli nishca canatapish quichurca.

JEREMÍAS 7:26

Shina cachacpipish, mana uyarcacunachu. Ashtahuanpish paicunapac taitacunata yalli sinchi shungu tucushpami, mana allita ruhuarca.

JEREMÍAS 3:3

Chaimantami punta tamyapish, chagrata pucuchic quipa tamyapish mana tiyarca. Cullquimanta huainayac huarmi shinami, manatac pingarcangui.

2 CRÓNICAS 30:8

Cunanca, ama cancunapac ñaupa taitacuna shina sinchi shungu tucuichicchu. Ashtahuanpish Mandac Diosta cazushpa, paipac huasiman shamuichic. Chai huasitaca Diosmi huiñaita paipaclla cachun chicanyachishca. Cancunata Mandac Diosta servichic. Shina servicpimi, nina japiric shina piñarishcamantaca cancunahuan alli tucunga.

2 REYES 17:14

Ashtahuanpish paicunaca, paicunapac ñaupa taitacuna shinallatacmi sinchi shungu tucushpa mana cazurcacuna. Chai taitacunaca paicunata Mandac Diostaca mana crircacunachu.

DEUTERONOMIO 10:16

Chaimantami circuncisionta ruhuashpa, cancunapac shungumanta asha carata pitic shina, tucui millai yuyaita anchuchina canguichic. Ama sinchi shungu caichicchu.

NEHEMÍAS 9:28

Ashtahuanpish ña alli causacushpaca, cutinmi cambac ñaupapi mana allita ruhuarcacuna. Chaimantami piñaccunapac maquipi churarcangui. Chashna churacpimi, paicunaca llaquichishpa, mandashpa charirca. Paicunaca cutinmi canta mañarcacuna. Jahua pachamantami uyarcangui, can llaquic cashcamantaca, cutinmi cacharichircangui.

EZEQUIEL 2:4

Ñucami cantaca piña ñahui, sinchi shungu runacunapacman cachani. Paicunataca: «Mandac Diosca cashnami nin» ningui.

ÉXODO 9:7

Faraonca israelcunapac animalcuna huañushcata, mana huañushcata ricuchun cachacpica, shucllapish mana huañushcachu carca. Shina tucucpish, Faraonca sinchi shungu tucushpami, israelcunataca mana cacharirca.

ISAÍAS 30:9

Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.