ISAÍAS 48:19 - Dios Rimashcata Quillcashcami

¹⁹ Cancunapac huahua huahuacunaca tiyu shina achcami canman carca. Cambac huahua huahuacunaca ñuto allpa shina achcami canman carca. Cancunapac shutitaca manatac chingachinmanchu carcani. Ñuca ñaupamantapish mana anchuchimanchu carcani.

ISAÍAS 48:19 Referans Kwoze

ISAÍAS 10:22

Israelcunaca, mama cucha patapi tiyac tiyu shina achca cashpapish maijancunallami cutiringa. Mandac Diosca paicunata llaquichinata yuyarishcami. Cashcata ruhuashpami llaquichinga.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

JEREMÍAS 33:22

Ñucata servic Davidpac huahuacunatapish, levitacunapac huahuacunatapish, jahua pachapi tiyac lucerocunata shina, mama cucha tiyu shinami, mana yupaipacta mirachisha nini» ninmi.

SOFONÍAS 1:4

Judá llactapi causaccunatapish, Jerusalenpi causaccunatapish llaquichishami. Baal diosmanta puchushcacunatapish, chai diosta servic curacunapac shuticunatapish chingachishami.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

ISAÍAS 56:5

ñuca huasi pircapimi paipac shutita quillcasha. Chaimi churicunatapish, ushicunatapish yalli alli canga. Chai shutitaca tucui causaipimi jaicapi mana cungaringa.

ISAÍAS 48:9

Ñuca shutita cuyashcamantami piñarishca cashpapish jarcarircani. Ñucata alabachunmi cancunataca mana tucuchircani.

ISAÍAS 14:22

Tucuita Mandac Diosca: «Ñuca jatarishpami Babiloniataca chingachisha. Maijan huahuacunapacpish, nietocunapacpish shuti ama ashtahuan tiyachunmi tucuchisha.

ISAÍAS 9:14

Chaimantami Mandac Diosca israelcunataca animalta umata, chupata pitic shina, shuc yurata, ramacunandi pitic shina, shuc punzhallapi anchuchinga.

SALMOS 109:13

Paipac huahua huahuacunapish tucui tucuchishca cachun.

SALMOS 9:5

Llactacunapi causaccunatapish rimarcanguimi. Millaita ruhuaccunatapish tucuchircanguimi. Paicunapac shutitaca huiñaipacmi chingachircangui.

1 REYES 9:7

ñucami israelcunataca paicuna causachun ñuca cushca llactamanta llucchishpa cachasha. Shinallatac ñuca shutipi mañana ñucapac cachun chicanyachishca cai huasitapish ñuca ñaupamanta anchuchishami. Chashna ruhuacpimi, israelcunataca shuc llactacunapi causaccunaca parlanacushpa asingacuna.

RUT 4:10

Huañuc Mahlonpac huarmi moabitapura Ruttaca ñuca huarmi cachunmi japini. Shinallatac huañushca cusapac allpacunapish paipac shutillapitacmi saquiringa. Shina ruhuacpimi, caipi tandanacushcacunapish, paipac familiacunapish huañushcapac shutitaca mana cungaringa. Chaitaca cancunallatacmi ricucunguichic— nirca.

JOSUÉ 7:9

Chashna tucushcata cananeocunapish, cai llactapi tucui causaccunapish yachashpaca, ñucanchicta muyunacushpami, ñucanchic shuticunatapish cai pachamanta chingachinga. Chashna ruhuacpica, cambac jatun shuti alli nishca catichunca, ¿imatatac ruhuagringuiyari?— nirca.

GÉNESIS 13:16

Cambac huahuacunataca ñuto allpata shinami, achcata mirachisha. Ñuto allpata maijan yupai pudishpaca, cambac huahua huahuacunatapish yupangami.

JOB 5:25

Canca achca huahuacunatami charingui. Cambac huahua huahuacunaca pambapi quihua tiyac shinami canga.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 44:4

Paicunaca parcushca quihua shina, yacu patapi sauce huiñac shinami huiñanga.

ISAÍAS 54:3

Cambac huahua huahuacunaca alli ladomanpish, lluqui ladomanpish jundashpami, achca llactacunata japishpa, shitashca llactacunapipish causanga.

DEUTERONOMIO 9:14

Paicunata tucuchishpa, cai pachamanta paicunapac shutita chingachingapac saquilla. Ashtahuanpish canmantaca paicunamanta yalli achca gentecunatami ruhuasha” nirca.