ISAÍAS 48:12 - Dios Rimashcata Quillcashcami

¹² Jacobopac huahua huahuacunalla, ñuca cayashca israelcunalla uyaichicyari. Ñucallami Dios cani. Ñucallatacmi callaripish, tucuripish cani.

ISAÍAS 48:12 Referans Kwoze

ISAÍAS 41:4

¿Pitac chashna tiyachun, chashna catichun ruhuan? Callarimanta cai pacha ima shina canataca, ¿pitac yachan? Mandac Dios ñucallatacmi callaripish, tucuripish cani.

APOCALIPSIS 22:13

Ñucami callari A shina, tucuri Z shina tucuita callarichicpish, tucuchicpish cani— nirca.

APOCALIPSIS 1:8

Sarunpish, cunanpish, shinallatac shamucpish tucui imatapish ruhuac Mandac Diosca: «Ñucami callari A shina, tucuri Z shina tucuita callarichicpish, tucuchicpish cani» ninmi.

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

ISAÍAS 46:3

Mandac Diosca: «Jacobopac huahua huahuacunalla, israelpuramanta maijan saquirishcacunalla uyaichicyari. Ñucami mamapac huicsapi cacpirac cuidashpa charini. Manarac huacharicpimi, marcac shina pushamurcani.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

APOCALIPSIS 2:8

Esmirna pueblopi cac tandanacushca criccunata ricuc angelman quillcai: “Huañushca cashpapish causaric, shinallatac callarichic, tucuchicca:

APOCALIPSIS 1:11

«Ñucami callari A shina, tucuri Z shina callarichicpish, tucurichicpish cani. Cai can ima ricushcataca shuc libropi quillcashpa, Asia llacta canchis pueblopi causac tandanacushca criccunaman cachai. Chaicunaca Efeso, Esmirna, Pérgamo, Tiatira, Sardis, Filadelfia, shinallatac Laodicea pueblocunami can» nirca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

1 CORINTIOS 1:24

Ashtahuanpish Dios cayashcacunamanca, judiocunaman cashpa, griegocunaman cashpa, Cristomanta huillashcaca Dios imatapish ruhuaclla, shinallatac yachac cashcatami ricuchin.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

ROMANOS 1:6

Chai cayashcacunaca Roma pueblopi causac cancunapish Jesucristo acllashcami canguichic.

SAN MATEO 20:16

Chai shinallatacmi punta caccunaca quipa cangacuna, cutin quipa caccunaca punta cangacuna— nishpami, Jesusca yachachirca.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 51:4

Ñuca acllashcacunalla, ñuca llactalla, ñucata uyaichicyari. Ñucami mandashcacunata huillasha. Cashcata ruhuanaca gentecunapac luz shinami canga.

ISAÍAS 51:1

Mandac Diosca: «Cashcata ruhuanata munaccunapish, ñucata mashcaccunapish uyaichicyari. Jatun rumimanta anchurishcacuna chai jatun rumita ricuichicyari. Cancuna llucchishca jatun rumita ricuichicyari.

ISAÍAS 34:1

¡Tucui llactacunapi causaccuna ñucata uyangapac tandanacuichicyari! ¡Tucui gentecuna alli uyaichicyari! Cai allpapish, chaipi ima tiyaccunapish, cai pachapish, chaipi ima tiyaccunapish uyaichicyari.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

PROVERBIOS 7:24

Cunanca huahuacuna uyaichic. Ñuca yuyaita cushpa rimashcacunataca alli entendichi.

ISAÍAS 40:26

Cai tucuita ruhuashcata cancunapac ñahuita alzashpa ricuichic. Paimi tucui ima tiyashcatapish yupashpa yachan. Paimi tucuita shutipi cayan. Pai cayacpica, shucllapish mana illangachu. Paica, chashna tucuita ruhuai pudic cashpami, tucuita mandan.

ISAÍAS 43:10

Cancunami ima tucushcata huillaccuna canguichic. Ñucata servic, ñuca acllashcacunami canguichic. Chaica, cancuna ñucata ricsishpa crichun, ñuca pi cashcata yachachunmi acllarcani. Ñucapac puntaca pi dios mana tiyarcachu, quipapish mana tiyangachu.

ISAÍAS 46:4

Cancuna yuyacyashpa, yurac accha tucungacamanmi cuidashpa charisha. Ñucami cancunataca ruhuarcani. Ñucallatacmi cuidasha. Chashnami quishpichisha.

ISAÍAS 44:1

Cunanca, ñucata servic Jacobopac huahuacunalla, ñuca acllashca israelcunalla uyaichicyari.