ISAÍAS 47:12 - Dios Rimashcata Quillcashcami

¹² Huahuamanta pachami Brujeriata ruhuarcangui. Chai shinallatac catilla. Chashna catishpaca alli tucushpa, sinchi tucunguipishchari.

ISAÍAS 47:12 Referans Kwoze

NAHÚM 3:4

Nínive llactapi causaccunaca huainayac huarmi shina, sumac ricunallami carca. Brujianatapish yallita yachac cashcamanta, shuctac llacta gentecunatapish huainayachishpa, brujiashpa juchapi urmachic carca. Chaimantami chai llaquicunaca japinga.

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

ISAÍAS 8:19

Maijanca cancunataca: “Huañushcacunata mañaccunaman, upayachiccunaman, adivinocunaman tapuichicyari” ningami. Chashna nicpica: “Cai runacunaca, ¿manachu paicunapac diosman tapuna can? ¿Causaccunamantaca huañushcacunaman tapungachu?” ninguichic.

ÉXODO 9:11

Chai brujocunapish Egipto runacuna shinallatac sisu ungüihuan cashpami, Moises-huanca mana ashtahuan chimbapurai pudirca.

ÉXODO 8:7

Brujocunaca paicuna ruhuac cashca shinallatacmi tucui Egipto llactapi sapocunata jundachirca.

ÉXODO 7:11

Chaimantami Faraonpish Egiptopi causac yachaccunata, brujocunata cayarca. Paicunaca Egiptopi causac yachaccuna shinallatacmi ruhuarca.

APOCALIPSIS 9:21

Shinallatac huañuchinatapish, brujianatapish, huacllirinatapish, shuhuanatapish mana saquircacunachu.

SALMOS 129:1

Huambramanta pachami ñucataca yallita llaquichincuna Cunanca israelcuna:

DANIEL 2:2

Chaimantami jatun mandacca chai muscushcata tapungapac yachaccunata, lucerota ricushpa yachacuccunata, brujocunata, caldeocunata cayachun cacharca. Chashna cayacpimi, jatun mandacpac ñaupaman shamurca.

DANIEL 5:15

Chai quillcashcata rezachun, chai quillcashca imata nisha nicushcata huillachunmi yachaccunata, lucerota ricushpa yachacuccunata ñucapac ñaupaman pushamurca. Shina shamushpapish, paicunaca mana huillai pudircachu.

MIQUEAS 3:7

Chaimantami huillaccunapish, adivinocunapish pingaihuan yuyai illac saquiringa. Ñucaca paicuna mañashcataca mana uyashachu. Chaimantami shimita taparinga» ninmi.

NÚMEROS 22:25

Chaita ricushpami burroca pirca cuchupi Balaampac changata huactachirca. Chaipimi Balaamca cutinllatac burrota macarca.

EZEQUIEL 21:26

Mandac Diosca: ¡Turbantetapish, coronatapish anchuchi! ¡Ña mana ashtahuan churaringuichu! Yangalla gentecunami jatunyachishca canga. Jatun tucushca gentecunaca pingaichishcami canga.

DANIEL 2:11

Shinallatac can jatun mandac tapushcaca sinchimi. Pipish canman huillacca mana tiyanchu. Caitaca dioscunallami huillai pudin, paicunaca mana runacunahuan causanchu— nirca.