ISAÍAS 46:4 - Dios Rimashcata Quillcashcami

⁴ Cancuna yuyacyashpa, yurac accha tucungacamanmi cuidashpa charisha. Ñucami cancunataca ruhuarcani. Ñucallatacmi cuidasha. Chashnami quishpichisha.

ISAÍAS 46:4 Referans Kwoze

SALMOS 71:18

Dioslla, can tucuita ruhuac cashcataca quipa huiñaicunamanpish, quipa huahua huahuacunamanpish huillangacaman yuyacyashpa yurac uma cacpipish ama saquinguichu.

SALMOS 48:14

Sumac Diosca huiñai huiñaipac ñucanchic Diosmari. Paimi huiñaita ñucanchictaca pushanga.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

SALMOS 92:14

Yuyac cashpapish alli granota pucuc yura shinami canga. Paicunaca verdinlla yuracuna shinami sinchi canga.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

HEBREOS 1:12

Canca churanata pataric shinami, chaicunataca pataringui. Shuctac churanata churachic shinami, shuctacyachingui. Shina tucucpipish canca canllatacmi cangui, huiñaitami causacungui” ninmi.

ROMANOS 11:29

Diosca imata cushpapish mana quichunchu. Cayashpapish mana cungarinchu.

MALAQUÍAS 3:6

Mandac Diosca: «¡Ñucaca mana shuctacyanichu. Chaimantami Jacobopac huahuacunataca mana tucuchircani!

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

ISAÍAS 41:4

¿Pitac chashna tiyachun, chashna catichun ruhuan? Callarimanta cai pacha ima shina canataca, ¿pitac yachan? Mandac Dios ñucallatacmi callaripish, tucuripish cani.

ISAÍAS 43:13

Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

MALAQUÍAS 2:16

Quiquin huarmita shitac runatapish, mana allita ruhuashpa paipac churanata mapayachic runatapish piñanimi. Cancunapac yuyaita cuidarichic, ama cancunapac huarmita shitaichicchu. Chaitaca Mandac Dios ñucami nini.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.

SALMOS 68:19

Ñucanchicta Mandac Diosca alli nishca cachun. Paica punzhantami ashtahuan allicunata cun. Paica ñucanchicta quishpichic Diosmi.

SALMOS 71:9

Ñuca yuyacyacpipish ama shitanguichu. Fuerza illac tucucpipish ama saquinguichu.

ISAÍAS 48:12

Jacobopac huahua huahuacunalla, ñuca cayashca israelcunalla uyaichicyari. Ñucallami Dios cani. Ñucallatacmi callaripish, tucuripish cani.