ISAÍAS 45:7 - Dios Rimashcata Quillcashcami

⁷ Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

ISAÍAS 45:7 Referans Kwoze

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

SALMOS 75:7

Ashtahuanpish Diosmi taripashpa, maijantaca cumurichin, maijancunataca cushichin.

JOB 2:10

Shina nicpimi Jobca: —¡Canca maijan yuyai illac huarmi shinami rimaringui! Diosmantami allicunata japishcanchic. ¿Manachu ima llaquicunatapish japina canchic?— nirca. Chai tucui llaquicuna japicpipish, Jobca paipac shimihuan millaita rimashpaca mana juchallircachu.

AMÓS 4:13

Paica urcucunatapish, huairatapish ruhuac, runacunamanpish, pai imata yuyaricushcata huillacmi. Paimi, tutatapish punzhayachin. Paica cai pachapi tucui urcucunatami purin. ¡Paica, tucuita Mandac Dios shutimi!

ISAÍAS 31:2

Ashtahuanpish Mandac Diosca alli yachacmi. Chaimanta paica llaquichingami. Pai llaquichisha nishpaca llaquichintacmi. Millaita ruhuaccunatapish, chai millaita ruhuanata ayudaccunatapish piñarishpa llaquichingami.

JEREMÍAS 31:35

Punzhanta achicyachic intita tutanta achicyachic quillata, lucerocunata churac, mama cuchata cuyuchic tucuita Mandac Diosca:

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

NAHÚM 1:8

Ashtahuanpish paita mana ricusha niccunataca jatun yacu tucuchic shinami tucuchin. Paita piñaccunataca pura tutami catishpa tucuchinga.

JEREMÍAS 51:20

Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

HECHOS 4:28

Chashnami can ñaupaman alli yachashpa, chashna tucuchun nishcata pactachirca.

AMÓS 5:6

Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

EZEQUIEL 32:8

Canmantami jahua pachapi tiyac achicyachiccunapish amsayanga. Cambac llactataca pura tutatami ruhuasha. Chaitaca Mandac Dios ñucami nini.

SALMOS 29:11

Mandac Diosca, pai acllashcacunamanca fuerzata cungami. Paicunamanca sumac causaita cushpami bendicianga.

SALMOS 8:3

Jahua pachata ricushpaca quillatapish, lucerocunatapish cambac maquihuan ruhuashcatami ricuni.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

ÉXODO 14:20

Shinami chai suni puyuca Egipto runacunapac shinallatac israelcunapac chaupita ricurca. Chai puyuca Egipto runacunamanca amsami ricurirca. Cutin israelcunamanca achicmi ricurirca. Chaimantami Egipto runacunaca israelcunapacman mana cuchuyai pudirca.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

SAN JUDAS 1:6

Shinallatac angelcunatapish, paicuna mandacushca jahua sumac causanata shitashpa rishcamantaca, amsa pachapimi tucuri punzhapi taripashpa llaquichingapac huiñaita huatashpa charicun.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

JOEL 2:2

¡Chai punzhaca pura tutami tucunga! ¡Puyushca llandu punzhami canga! ¡Tutamanta achicyachic luz shinami, sinchi runacunaca lomacunata shamunga! ¡Chashnaca ñaupa huatacunapish mana ricurishcachu! ¡Quipamanpish, huahua huahuacunacaman chai shinaca mana tiyangachu!

2 REYES 19:25

Ñaupa huatacunamanta pachami caitaca ruhuarcani. Utcumanta pachami chaita ruhuangapac allichishpa shamuni. Chaitami cunanca ruhuani. Chaimantami canca muyundi pircashca pueblocunata tuñishpa montón, montonta ruhuangui ¿Caitaca manachu yacharcangui?

SALMOS 105:28

Amsata cachashpa chai llactata tucui tutayachicpipish pai rimashca shimitaca mana cazurcacunachu.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 47:11

Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

LAMENTACIONES 3:38

¿Manachu allipish, mana allipish jahua pacha Diosmanta shamunga?

DANIEL 2:22

Canmi maita mana yachaipaccunatapish yachachingui. Canmi yalli purapi caccunatapish achicyachingui. Canmi luz cangui.

JOB 10:13

Cambac shungupimi shuc yuyaita huacaichishpa charicungui. Chaicunata cambac yuyaipi huacaichishpa, charicushcataca yachanimi.

SALMOS 74:16

Punzhapish, tutapish cambacmi. Intitapish, quillatapish canmi churarcangui.

ISAÍAS 44:24

Mamapac huicsapi cacpirac cuidac, cancunata quishpichic Mandac Diosca: «Ñucami tucuita ruhuac Mandac Diosca cani. Ñucallami jahua pachatapish, cai pachatapish pañota tendic shina churarcani.