ISAÍAS 45:4 - Dios Rimashcata Quillcashcami

⁴ Ñucata servic Jacobotapish, ñuca acllashca israelcunatapish cuyashcamantami cantaca shutipi cayarcani. Ñucata can mana ricsicpipish, cantaca tucui mashna ricsishca cachunmi churarcani.

ISAÍAS 45:4 Referans Kwoze

ROMANOS 11:7

Shinashpaca, ¿imatatac nishun? Israelcunaca paicuna mashcacushcataca mana japircachu. Ashtahuanpish Dios acllashcacunallami japirca. Shuccunaca rumi shungumi tucurca.

HECHOS 17:23

Cai pueblopi puricushpaca, cancunapac dioscunata yuyarina huasicunatami ricurcani. Shinallatac shuc altarpica: “Mana Ricsishca Diospac altarmi” nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi huillacuni.

ISAÍAS 44:1

Cunanca, ñucata servic Jacobopac huahuacunalla, ñuca acllashca israelcunalla uyaichicyari.

ROMANOS 9:6

Chaita nishpaca mana: Israelcunaman Dios cushami nishcaca mana pactachishcachu nisha ninichu. Ashtahuanpish taita Israelpac huahua huahuacuna mana tucui mashna israelcunatac cashcamanta,

MARCOS 13:20

Chai llaqui punzhacunata Dios mana ashata chaupicpica, pipish mana causai pudinmanchu. Ashtahuanpish Diosca pai acllashcacunata cuyashcamantami, chai llaqui punzhacunataca chaupisha nishca.

SAN MATEO 24:22

Chai llaqui punzhacunata Dios mana chaupicpica, pipish mana quishpirinmanchu. Diosca pai acllashcacunata cuyashcamantami, chai llaqui punzhacunataca chaupinga.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

ISAÍAS 43:14

Cancunata quishpichic, israelcunapac jucha illac Diosca: «Cancunata quishpichingapacmi Babilonia llactapi causaccunata llaquichichun cachani. Paicunataca miticuc runacunata shinami callpachisha. Barcocunapi jatun tucushpa puric caldeocunataca chai barcocunallapitacmi cutichishpa cachasha.

1 TESALONICENSES 4:5

Diosta mana cazuccuna shina mapa yuyaicunallahuan ama causachunmi munan.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

SALMOS 136:22

Paita servic israelcunaman chai allpacunata cuc Diosta alabaichicyari. ¡Paica huiñaita llaquicmi!

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

SALMOS 105:6

Diosta servic Abrahampac huahua huahuacuna. Pai acllashca Jacobopac huahua huahuacuna paita yuyarichicyari.