ISAÍAS 45:23 - Dios Rimashcata Quillcashcami

²³ Ñucaca cashcata ruhuanatami rimani. Ñucaca: “Tucui mashnami ñuca ñaupapi cungurishpa, tucui rimaipi ari ninga” nishpami, ñuca shutipi ari nini.

ISAÍAS 45:23 Referans Kwoze

FILIPENSES 2:10

Jesuspac shutipi, jahua pachapi causaccunapish, cai pachapi causaccunapish, allpa ucupi caccunapish tucui cungurishpa,

ISAÍAS 55:11

Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

ISAÍAS 65:16

Maijanpish cai pachapi bendicionta mañashpaca, cashcata nic Diosmantami japinga. Maijanpish cai pachapi ari nicca cashcata nic Diosmantami ari ninga. Utcapi tiyashca llaquica illangami. Ñuca ñaupapica mana ashtahuan ricuringachu.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

DEUTERONOMIO 6:13

Mandac Diosta manchanguichic, paillata servinguichic, paipac shutillapi imatapish ari ninguichic.

SALMOS 132:2

Pai can Mandac Dios-huan ari nishcatapish yuyariyari. Paillatacmi, Jacobopac tucuita ruhuac Diostaca:

SALMOS 63:11

Ashtahuanpish jatun mandacca Dios-huanmi cushicunga. Maijan cashpapish Diospac shutipi huillaccunaca alli nishcami canga. Mana allita rimaccunapac shimica huichcashcami canga.

ROMANOS 11:4

Chashna mañacpi Diosca: «Canchis huaranga gentecunatami acllarcani. Paicunaca mana Baal diospac ñaupapi cungurishcachu» nirca.

NEHEMÍAS 10:29

Dios mandashcata pactachingapac ari nishpami paicunapac huauquicunahuan, mandaccunahuan tandanacurca. Ñucanchicta Mandac Dios paita servic Moisesman imata ruhuachun nishpa mandashcacunata pactachichun cushca shimicunata cazushpa pactachingapacmi tandanacurca.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

GÉNESIS 31:53

Cambac taita Abrahampac, ñuca taita Nacorpac, shinallatac paicunapac Dios ñucanchicta ricuchun— nirca. Shina nicpi, Jacoboca paipac taita Isaacpac manchana Diospac shutipi ari nirca.

JEREMÍAS 49:13

Bosra llactaca tucui urmachishca, mana alli nishca, shitashca pambami saquinga. Shinallatac muyundi caishuc llactacunapish chashnami huiñaita urmachishca canga. Mandac Dios ñucapac shutipimi nini» ninmi.

JEREMÍAS 22:5

Ashtahuanpish cai mandashcacunata mana cazucpica, cai huasitaca shitashca pamba shinatami saquisha. Chaitaca Mandac Diosca ñucami ari nini” ninmi ningui» nirca.

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

ISAÍAS 62:8

Mandac Dios jatun poderyuc paipac alli maquita alzashpa ari nishpaca: «Cancunata piñaccuna cancunapac trigota micuchunpish, mana ricsishca runacuna cancuna trabajashca uvas vinota ubiachunpish mana saquishachu.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

SALMOS 98:2

Mandac Diosca tucui llactapi causaccunapac ñaupapimi mishachic cashcata, cashcata ruhuac cashcata ricuchishca.

ISAÍAS 21:17

Cedar runapac huahua huahuacuna, flechahuan macanacuc sinchi runacunapish ashallami saquiringa. Chaitaca israelcunata Mandac Diosmi nin» nirca.