ISAÍAS 45:14 - Dios Rimashcata Quillcashcami

¹⁴ Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 45:14 Referans Kwoze

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

1 CORINTIOS 14:25

Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.

JOEL 3:8

Cancunapac churicunata, ushicunataca Judá llactapi causaccunamanmi catusha. Cutin paicunaca caru llactapi cac Sabá llacta runacunamanmi catunga. Chaitaca Mandac Dios ñucami nini.

EZEQUIEL 23:42

Paihuan tandanacushca gentecunami caparishca uyarirca. Paicunaca shitashca pambamanta shamushca sabeocuna, yanga gentecunami carca. Chai gentecunami cai huarmicunapac maquipica brazaletecunata, umapica sumac coronacunata churachirca.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 23:18

Shina cashpapish, paicuna catushpa, randishpa tucui japishcaca Mandac Diospaclla chicanyachishcami canga. Paicuna catushpa, randishpa charishcacunataca mana huacaichingachu. Mana mirachingacunachu. Ashtahuanpish chaicunaca Mandac Diospac ñaupapi allita ruhuashpa causaccunapacmi canga. Chai allita ruhuaccuna alli micuchun, alli churarichunmi canga.

ISAÍAS 18:7

Chai punzhapi jagan nicuc manchana jatun runacunaca tucuita Mandac Diosman cungapacmi ofrendata apamunga. Paicunaca yallita llaquichishpa, llactacunata quichuc sinchi runacunami ricun. Paicunapac llacta muyunditaca jatun yacucunami. Chai llactapi causaccunami tucuita Mandac Dios ñucapac shutipi mañangapac Sión urcuman shamunga.

ISAÍAS 10:33

Tucuita Mandac Diosca piñarishpami jatun ramacunatapish pitinga. Jatun yuracunatapish pitishpami polvonga.

SALMOS 149:8

Paicunata jatun mandaccunataca grillo fierrocunahuan churachishpa prezuichic. Paicunapac alli nishca runacunataca cadenacunahuan huatashpa prezuichic.

ÉXODO 11:8

Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

EZEQUIEL 31:3

Riqui, Líbano llacta tucuita llanduc jatun cedro yura shinami cangui. Chai yura ñahuica puyucamanmi carca.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

ISAÍAS 44:8

Ama manchaihuan chucchuichicchu. ¿Manachu utcapi cancunaman huillashpa uyachircani? Chaitaca cancunallatacmi yachanguichic. ¿Ñucamanta shuctac Diosca tiyanchu? Mana, mana ñuca shina jatun poderta charic Diosca tiyanchu. Mana ricsinichu” ninimi» nirca.

SALMOS 149:6

Cancunapac cungahuan caparishpa, Diosta jatunyachichic. Ishcai filoyuc espadata maquipi apashca caichic.

JOB 1:15

Sabeo runacuna cungailla shamushpa tucui chai animalcunata quichushpa aparcacuna. Canta serviccunatapish espadahuan huañuchircami. Chaita huillangapacmi ñucalla saquirircani— nirca.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

2 SAMUEL 21:20

Chai quipaca cutinllatacmi Gat pueblopi macanacui callarirca. Chaipimi cada maquipi sucta dedota, cada chaquipi sucta dedota charic manchana jatun runa tiyarca. Tucuica ishcai chunga chuscu dedotami charirca. Chai runapish manchana runacunapuramantami carca.

NÚMEROS 13:32

Chai runacunaca chai llactata mana alli nishpami israelcunataca: —Ñucanchic ricungapac rishca llactaca yarcaihuan huañuna allpami cashca. Chaipi causaccunapish yalli jatun gentecunami.

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

JOB 11:19

Can sueñucucpica pi mana manchachingachu. Achcacunami can ayudachun mañac shamunga.

ISAÍAS 18:1

¡Aij, Etiopía llacta jatun yacu chimba ladopi, alascuna huaj nicuc llactalla!

ISAÍAS 19:21

Chaipimi Mandac Diosca Egiptopica ricsishca tucunga. Chai punzhapimi paicunaca Mandac Diosta ricsinga. Shina ricsishpami, animalcunata cushpa huañuchinga. Shinallatac grano ofrendatapish cungami. Mandac Diosman imata ruhuashami nishcatapish pactachingami.

ISAÍAS 19:22

Mandac Diosca Egiptopi causaccunataca chugrichingami. Shina chugrichishpapish paillatacmi alliyachinga. Mandac Diospacman paicuna cutiricpica, llaquishpami alliyachinga.

ISAÍAS 54:3

Cambac huahua huahuacunaca alli ladomanpish, lluqui ladomanpish jundashpami, achca llactacunata japishpa, shitashca llactacunapipish causanga.

ISAÍAS 55:5

Riqui, canca mana ricsishca runacunatami cayangui. Shinallatac canta mana ricsic runacunami cambacman callpamunga. Israelcunapac jucha illac, Mandac Diosta alli nishcamantami chashna shamunga.

ISAÍAS 60:3

Shuctac llactacunapi causaccunapish, jatun mandaccunapish cambac achicyachic luzpimi puringa.