ISAÍAS 44:4 - Dios Rimashcata Quillcashcami

⁴ Paicunaca parcushca quihua shina, yacu patapi sauce huiñac shinami huiñanga.

ISAÍAS 44:4 Referans Kwoze

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

EZEQUIEL 17:5

Allpapi tarpushca muyutapish alli allpapi tarpungapacmi aparca. Chai muyutaca sauce yurata tarpuc shinami yacupi tarpurca.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 5:14

Caricunapish, huarmicunapish Apunchic Jesusta crishpa, ashtahuanmi achca criccuna tucurca.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

LEVÍTICO 23:40

Chai callari punzhapica tucuimanta yalli alli yuracuna pucushca granotapish, palmera ramacunatapish, pangasapa ramacunatapish, yacu cuchupi tiyac sauce ramacunatapish japishpami, canchis punzhata Mandac Dios ñucapac ñaupapi cushicuna canguichic.

JOB 40:22

Jatun yuracunami paitaca llandun. Yacu uraipi tiyac sauce yuracunapimi pillurin.

JOB 5:25

Canca achca huahuacunatami charingui. Cambac huahua huahuacunaca pambapi quihua tiyac shinami canga.

ISAÍAS 48:19

Cancunapac huahua huahuacunaca tiyu shina achcami canman carca. Cambac huahua huahuacunaca ñuto allpa shina achcami canman carca. Cancunapac shutitaca manatac chingachinmanchu carcani. Ñuca ñaupamantapish mana anchuchimanchu carcani.