ISAÍAS 44:23 - Dios Rimashcata Quillcashcami

²³ Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 44:23 Referans Kwoze

SALMOS 69:34

Jahua pachapish, mama cuchapish, chaipi tucui tiyaccunapish paita alabaichicyari.

JEREMÍAS 51:48

Jahua lado llactamantami Babilonia llactata llaquichingapac shamunga. Paicuna shamushpa, tucui tucuchicpica, jahua pachapish, cai pachapish, chaipi tiyaccunapish cushicushpami cantanga.

ISAÍAS 49:3

Chai quipami paica: «Ñucata servic Israel-lla, canmantami ñucaca yallita cushicusha» nirca.

ISAÍAS 49:13

¡Jahua pachalla, cushicushpa cantaiyari! ¡Cai pachapish cushicuiyari! ¡Urcucunapish caparishpa cantaichicyari! Mandac Dios ñucami cushichini. Llaquilla causaccunatapish llaquini» ninmi.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

APOCALIPSIS 12:12

¡Jahua pachapi causaccuna cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita piñarishpa jahua pachamanta cancunapacman urai rirca» nictami uyarcani.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

EFESIOS 3:21

¡Tandanacushca criccuna, Jesucristohuan shuclla tucushcamantaca, huiñai huiñaita Diostaca “sumacmari cangui” nicushunchic! Chashna cachun.

EZEQUIEL 36:8

Israel llacta urcucunalla, ñuca acllashca israelcunaman granota pucuchun yuracuna huiñachun saquiyari. Ñallami paicunaca cutimunga.

EZEQUIEL 36:1

Huañunalla runa, Israel llacta urcucunata rimashpaca: “¡Israel llactapi tiyac urcucunalla, Mandac Dios rimashcata uyaichic!

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 26:15

Mandac Dioslla, can acllashcacunataca ashtahuanmi mirachircangui. Chashna mirachishpami, canca yallita alli nishca cangui. Cai pacha tucuricamanmi jundachircangui.

SALMOS 148:7

Cai pachapi causaccunamanta callarishpa, mama cuchapi tiyac manchana animalcunapish, ucuman tiyac jatun yacucunapish, Mandac Diosta alabaichicyari.

EZEQUIEL 39:13

Tucui chai llactapi causaccunami huañushcacunataca enterracunga. Ñucata sumacyachina punzhaca paicunapacca shuc yuyarina punzhami canga. Chaitaca Mandac Dios ñucami nini.

EFESIOS 4:9

«Jahuaman rirca» nishpaca, ¿imatatac nisha nin? Shina nishpaca, cai allpa pachamanrac urai shamushcatami nisha nin.

1 CRÓNICAS 16:31

¡Jahua pachapish, cai pachapish yallita cushicuichic! Llactacunapica “Mandac Diosmi mandacun” nishpa huillaichic.

SALMOS 65:13

Animalcunapish pamba jundami tucun. Pugru pambacunapish tucui chagrallami. Yallita cushicushpami caparishpa cantancuna.

SALMOS 148:9

urcucunapish, tucui lomacunapish, granota pucuc yuracunapish, tucui cedro yuracunapish,

ISAÍAS 12:5

¡Mandac Diosca jatun mancharinacunatami ruhuashca! Chaimanta paitaca salmocunahuan cantaichicyari. Chaicunataca tucui cai pachapi causaccunami yachana can.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

ISAÍAS 52:9

Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

JEREMÍAS 31:11

Mandac Dios ñucami Jacobopac huahuacunataca quishpichircani. Sinchi runapac maquimantami cacharichircani.

EZEQUIEL 35:14

Chaimantami Mandac Dios ñucaca: Cantaca tucui llactacuna ricushpa, cushicuchunmi llaquinayai shitashca pambata saquisha.

ÉXODO 18:9

Jetroca Mandac Dios israelcunaman allitami ruhuashpa, Egiptomanta llucchishcata yachashpami yallita cushicurca.

1 CRÓNICAS 16:32

¡Mama cuchapish tucui, chaipi tiyashcahuan caparichun! ¡Pambacunapish, chaipi tucui tiyashcahuan cushicuchun!

1 CRÓNICAS 16:33

Mandac Diospac ñaupapica, maipi tiyashca yuracuna caparichun. Paica allpapi causaccunata, mandangapacmi shamun.

SALMOS 69:35

Diosmi Siontaca llaquimanta llucchinga. Judá llacta pueblocunatapish cutin allichinga. Chaipi causai callarishpami chai pueblotaca paicunapac cachun japingacuna.

SALMOS 89:13

Cambac maquica tucuita ruhuac, sinchi maquimi. Cambac alli lado maquica alli nishcami.