ISAÍAS 44:1 - Dios Rimashcata Quillcashcami

¹ Cunanca, ñucata servic Jacobopac huahuacunalla, ñuca acllashca israelcunalla uyaichicyari.

ISAÍAS 44:1 Referans Kwoze

ISAÍAS 41:8

Israelcunalla, cancunaca ñucata serviccunami canguichic. Jacobopac huahua huahuacunalla, ñuca acllashcacunami canguichic. Cancunaca ñucahuan apanacuc Abrahampac huahua huahuacunami canguichic.

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

SALMOS 105:6

Diosta servic Abrahampac huahua huahuacuna. Pai acllashca Jacobopac huahua huahuacuna paita yuyarichicyari.

SAN LUCAS 13:34

¡Aij, Jerusalenpi causaccunalla! Dios ima nishcata huillaccunataca huañuchiccunami canguichic. Dios huillachun cachashcacunatapish rumihuan shitaccunami canguichic. Cancunataca tauca cutinmi mama huallpa huahuacunata ucllac shina, tandachisha nircani. Chashna tandachisha nicucpipish, mana uyarcanguichicchu.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 42:23

Cancunapuramantaca, ¿pitac caitaca uyangayari? Shamuc punzhacuna ima tucunata huillacpipish, ¿pitac yuyaita japingayari?

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

SALMOS 136:22

Paita servic israelcunaman chai allpacunata cuc Diosta alabaichicyari. ¡Paica huiñaita llaquicmi!

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 41:9

Ñucaca cancunataca cai pacha tucurimantapish, mai caru llactamantapish cayashpami: «Ñucata serviccunami canguichic. Cancunata acllashpaca, mana saquircanichu.

ISAÍAS 44:21

Mandac Diosca: «Jacobopac huahua huahuacunalla, israelcunalla, cancunaca ñucata serviccunami canguichic. Chaitaca alli yuyarichicyari. Israelcunalla, cancunataca ñucami ruhuarcani. Ñucata serviccunami canguichic. Ñucata ama cungarichicchu.

ISAÍAS 45:4

Ñucata servic Jacobotapish, ñuca acllashca israelcunatapish cuyashcamantami cantaca shutipi cayarcani. Ñucata can mana ricsicpipish, cantaca tucui mashna ricsishca cachunmi churarcani.

ISAÍAS 48:12

Jacobopac huahua huahuacunalla, ñuca cayashca israelcunalla uyaichicyari. Ñucallami Dios cani. Ñucallatacmi callaripish, tucuripish cani.