ISAÍAS 43:13 - Dios Rimashcata Quillcashcami

¹³ Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

ISAÍAS 43:13 Referans Kwoze

ISAÍAS 14:27

Tucuita Mandac Diosmi chashna ruhuanata yuyarishca. Chaitaca, ¿pitac jarcai pudingayari? Paipac maqui alzashcataca, ¿pitac jarcangayari?

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

SALMOS 90:2

Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

SAN JUAN 8:58

Shina nicpimi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.

JOB 9:12

Pai imata quichucpipish, ¿Pitac cutin chasqui pudingayari? Pitac: “¿Imatatac ruhuangui?” ningayari.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

APOCALIPSIS 1:8

Sarunpish, cunanpish, shinallatac shamucpish tucui imatapish ruhuac Mandac Diosca: «Ñucami callari A shina, tucuri Z shina tucuita callarichicpish, tucuchicpish cani» ninmi.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 41:4

¿Pitac chashna tiyachun, chashna catichun ruhuan? Callarimanta cai pacha ima shina canataca, ¿pitac yachan? Mandac Dios ñucallatacmi callaripish, tucuripish cani.

SALMOS 93:2

Can mandanaca ñaupamanta pachami sinchi tiyacun. Canca huiñaita causac Diosmi cangui.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

HABACUC 1:12

Mandac Dioslla, jucha illac Dioslla, canca, ¿manachu imapish manarac tiyacpi, ña tiyarcangui? ¡Shina cashcamantaca ñucanchicca mana huañushunchu! Mandac Dioslla, llaquichichunmi Babilonia runacunataca caipi churarcangui. Jatun Rumi shina Dioslla, canca llaquichinpacmi paicunataca cacharcangui.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

PROVERBIOS 8:23

Huiñaimanta pacha, callarimanta pacha, cai pacha manarac tiyacpimi, ñucaca ña tiyarcani.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

DEUTERONOMIO 28:31

Cancunapac huagrata huañuchishpapish ama micunguichicchu. Cancunapac ñaupamanta burrota quichu rishpapish mana cutichingachu. Cancunapac ovejatapish cancunata piñaccunaman cushcami canga. Chaicunataca pi mana llucchingachu.

OSEAS 5:14

Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

OSEAS 2:10

Cunanca, pai mana pingac cashcatami paipac cuyashcacunapac ñaupapimi ricuchisha. Ñuca maquimantaca pipish paitaca mana cacharichi pudingachu.

NÚMEROS 23:20

Paimi israelcunataca bendiciachun nirca. Pai bendiciashcataca ñucaca mana tigrachi pudinichu.

ISAÍAS 46:4

Cancuna yuyacyashpa, yurac accha tucungacamanmi cuidashpa charisha. Ñucami cancunataca ruhuarcani. Ñucallatacmi cuidasha. Chashnami quishpichisha.

ISAÍAS 47:15

Can huambramanta pachami yachaccunahuan apanacushpa, randishpa, catushpami causarcangui. Tucui paicunami quiquin ñanta japishpa ringa. Cantaca pipish mana quishpichi pudingachu» ninmi.

ISAÍAS 48:16

Ñuca ñaupaman cuchuyashpa caita uyaichic. Ñucaca callarimanta pachami maipipish mana pacashpa huillarcani. Tucuita ruhuai callarishcamanta pachami ñucaca chaipi carcani» ninmi. Cunanca, Mandac Diosmi paipac Espirituhuan cacharca.

JOSUÉ 2:2

Chaita Jericó llactata mandacman maijancuna huillashpaca: —Israelcunapuramanta maijan runacunami cunan tuta cai llactata pacalla ricungapac shamushca— nishpa huillarca.

JOB 10:7

Canca, ñuca mana juchayuc cashcatapish, cambac maquimanta pi mana quishpichi pudishcatapish canllatacmi yachangui.

SALMOS 102:28

Canta serviccunapac huahuacunaca cambac maquipimi mana manchashpa causanga. Paicunapac huahua huahuacunatapish cambac ñaupamantaca pi mana anchuchingachu.