ISAÍAS 42:23 - Dios Rimashcata Quillcashcami

²³ Cancunapuramantaca, ¿pitac caitaca uyangayari? Shamuc punzhacuna ima tucunata huillacpipish, ¿pitac yuyaita japingayari?

ISAÍAS 42:23 Referans Kwoze

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

MIQUEAS 6:9

Judá llactapi causaccunalla, Mandac Dios llactapi causaccunata quishpichingapac cayanmi. Paipac ñaupapi cumuriccunaca yachaisapami. Mandaccunapish uyaichic.

JEREMÍAS 3:13

Mandac Dios ñucatami mana cazushcangui. Chai mana allita ruhuashcata yuyarishpa llaquiriyari. Jatun yura ucucunapimi mana ricsishcacunahuan huainayarcangui. Ñuca cayacpica, manatac uyarcanguichu. Chaitaca Mandac Dios ñucami nini.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

ISAÍAS 42:22

Ashtahuanpish cai gentecunaca imatapish quichushca, sarushcami causan. Tucui paicunami jutcucunapi japi tucushpa, prezushca pacalla tiyacun. Paicunata imapish quichushca causachunmi churashca. Paicunata quishpichicca pi mana tiyanchu. Paicunamanta quichushcataca Pi: “¡Cutichichic!” mana ninchu» ninmi.

ISAÍAS 42:24

Jacobopac huahuacunataca, ¿pitac prezuchircayari? ¿Pitac israelcunataca shuhuaccunapac maquipi churarcayari? ¿Manachu Mandac Dios ñucanchic mana cazushcamanta llaquichicun? Pai mandashcacunata mana cazushpami, pai munashca shina mana causarca.

JEREMÍAS 9:12

Cutin ñucaca: «¿Imamantatac cai llactaca llaquinayaita tucuchishpa, shitashca pamba shina tucurcayari? Cunanca, pipish caitaca mana pasanchu. Caicunata yachangapacca, ¿pitac alli yachacca tiyanyari? Mandac Diosca, ¿pitatac caicunata huillachircayari?» nircani.