ISAÍAS 42:16 - Dios Rimashcata Quillcashcami

¹⁶ Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 42:16 Referans Kwoze

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

SAN LUCAS 3:5

Huaicucunapish pamballami tucunga. Urcucunatapish urmachishpa, pamballami canga. Huishtu ñancunapish derechashca, ucu jahua ñancunapish sumacta allichishcami canga.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 40:4

¡Tucui pugru pambacunataca allpata jundachishpa, urcucunatapish, lomacunatapish pamballata ruhuashpa allichichic! ¡Huishtu ñancunataca sumacta ancho ñancunata ruhuaichic!

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

ISAÍAS 32:3

Chaimantami ñahuicunapish mana ashtahuan amsayanga. Ringripish mana huichcaringa.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

ISAÍAS 29:18

Chai punzhapica ringri mana uyaccunapish libropi ima nicushcata uyangami. Ñahui mana ricuccunaca amsa cacpipish, pura tuta cacpipish ricungami.

SALMOS 94:14

Mandac Diosca paipac gentecunataca mana saquingachu. Paipaclla causaccunataca manatac cungaringachu.

ISAÍAS 48:17

Cancunata quishpichic, israelcunapac jucha illac, Mandac Diosca: «Ñucami cancunata Mandac Dios cani. Ñucami cancunapac allipac yachachini. Cancuna maita rina ñantapish ñucami ricuchishpa pushani.

ISAÍAS 45:2

«Ñucami cambac ñaupata rishpa, urcucunatapish pambayachisha. Bronce pungucunatapish paquishpami, fierro aldabacunataca ñutuchisha.

ISAÍAS 35:5

Pai shamucpica, mana ricuccunapac ñahuipish, mana uyaccunapac ringripish pascaringami.

OSEAS 2:14

Ñucami paitaca shungupi rimashpa, ari nichishpa shitashca pambaman pushasha.

OSEAS 2:6

Chaimantami pai purina ñanpica cashacunata churasha. Shinallatac maita mana llucshipacta ruhuashpami, muyundita jarcasha.

ISAÍAS 29:24

Panda yuyaita chariccunaca alli yuyaita japingami. Juchanchiccunapish yachacungacunami» nirca.

JOSUÉ 3:4

Shina catishpami, maita rinata yachanguichic. Cancunaca cai ñantaca mana rishcanguichicchu. Arcataca shuc kilómetro caruta catinguichic. Chaimanca ama cuchuyanguichicchu» nirca.

EZEQUIEL 14:23

Paicuna ima shina causashcata, imata ruhuashcata ricushpami cushicunguichic. Chaimantami chai pueblopi causaccunataca mana yangamanta llaquichishcata yachanguichic. Chaitaca Mandac Dios ñucami nini” ninmi» nirca.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

ISAÍAS 41:3

Pai catishpaca allpapi chaquita mana churac shinami yallita callpan.

ECLESIASTÉS 7:13

Dios ruhuashcata ricushpa yuyari. Pai huishtuta ruhuashcataca, ¿pitac derechai pudinga?

ECLESIASTÉS 1:15

Huishtuyashcataca mana derechai pudipacmi. Imapish illashcataca mana pactachi pudipacchu.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

ISAÍAS 26:7

Cashcata ruhuacpac causaica jucha illacmi. Canca cashcata ruhuac Dios cashpami, cashcata ruhuaccunapac causaita ricucungui.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

ISAÍAS 52:12

Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

ISAÍAS 58:10

yarcaihuan caccunaman caracpi, shungupi llaquilla causaccunata cushichicpica, pura tuta cashpapish achicyangami. Pura tutaca chaupi punzha shinami canga.

ISAÍAS 62:12

Paicunataca “Mandac Dios quishpichishca, jucha illac gentecuna” nincunami. Can Jerusalentapish “Dios cuyashpa, mana shitashca llacta” ningacunami.

AMÓS 5:8

Pléyades, Orión lucerocunatapish ruhuac Mandac Diospacman cuchuyaichic. Paimi tutataca punzhata, punzhataca amsata ruhuan. Paimi mama cucha yacuta cayashpa, allpapi tallin. ¡Paipac shutica Mandac Diosmi!