ISAÍAS 42:15 - Dios Rimashcata Quillcashcami

¹⁵ Urcucunapi, lomacunapi tiyac tucui quihuata chaquichishpami shitashpa saquisha. Jatun yacucunatapish chaquishca pamba shinatami saquisha. Cuchacunatapish chaquichishami.

ISAÍAS 42:15 Referans Kwoze

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 44:27

Ñucami allpa ucupi cac mama cuchataca: “¡Chaqui!” nini. Cancunapac llacta jatun yacucunataca: “Chaquichishami” ninimi.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

APOCALIPSIS 16:18

Chashna nicpica urcu tulun nishcapish, rimashcacunapish uyarircami. Relampa achic nishcapish ricurircami. Shinallatac gentecuna cai pachapi tiyashca punzhamanta pacha jaicapi mana chucchushcatami, allpaca chucchurca.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

ZACARÍAS 10:11

Jatun llaquica mama cuchatami pasanga. Nilo yacupish ucucamanmi chaquinga. Shuctac jatun yacucunapish tucuimi chaquinga. Asiria llactapi causac jatun tucushca gentecunapish urmangami. Egiptopi causaccunata mandana taunapish chingaringami.

HAGEO 2:6

Cunanmanta asha punzhacuna quipaca jahua pachatapish, cai pachatapish, mama cuchatapish, chaquishca allpatapish chucchuchishami.

EZEQUIEL 38:20

Mama cuchapi causac challuacunapish, volac animalcunapish, sacha animalcunapish, allpapi llucashpa puric animalcunapish, cai pachapi causac gentecunapish ñuca ñaupapimi chucchunga. Urcucunapish tuñiringami, quingraicunapish urmangami, pircacunapish tucuimi pambayanga.

JEREMÍAS 4:24

Urcucunata ricucpica chucchucurcami. Lomacunapish cuyuricurcami.

ISAÍAS 49:11

Tucui ñuca lomacunatami ñanta ruhuasha. Ñuca ñancunatapish cutin allichishami.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

ISAÍAS 41:15

Riquichic, cancunataca trillana mushuc fierrota shinami churani. Quirusapa mushuc lastrillo shinatami ruhuani. Urcucunataca trillac shinami polvonguichic. Lomacunataca cupata trillac shinami ñutuchinguichic.

EZEQUIEL 38:19

Chai punzhacunapi nina japiric shina ñuca piñaricpimi, Israel llactapica yallita allpa chucchui tiyanga.